1 Kɔlìn 6:11 - Mundani

¹¹ ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

1 Kɔlìn 6:11 ပူးပေါင်းရင်းမြစ်များ

Matìù 20:4

shu abua yɔb nê ‘Bɨ̀ ghǎ a mbȩ me faꞋa mɨ̧̂ ko maa ŋa wɨ̧ àghɨa a kuꞋu ane àfàꞋ àyɨ̧ la.’ Mbɨ̀Ꞌɨ̀ tà làꞋ ale la bɔ bê ndɔ̀Ꞌ me ghǎ.

Lûk 18:14

Yesò nê, “TsiꞋ è shu awɨ̧ nê, wu ndàꞋa fetà èkab taksì waa tà li me laꞋnê yea ngà àpfəè, Mbɔ̧ɔ̧mà ghɨ̀ mènəè tò tɨ̧ɨ̧ ndɨŋndɨ̀ŋ a mbì li la. Aa ale nkàà nê wòt ègème tàa ŋèꞋe avi a ègwet la, Mbɔ̧ɔ̧mà naa shuke atò a si, è we tà nɨ avi a si la, Mbɔ̧ɔ̧mà ŋèꞋe atò a ègwet.”

Jɔ̌n 13:10

Yesò bɨ̀ɨ̀lè nê, “Wòt tà shùù àvi la, è bɔ ndɨ tàa tsiꞋi shùù wuê ndàꞋa èka bi la, ènyit tò ègème e lɔ̂Ꞌ. Ale, ènyit yɨ̧ e lɔ̂Ꞌ, ka è kà wu wòt ègème, ènyit tò e lɔ̀Ꞌɔ̀ la.”

Jɔ̌n 13:8

Pità shu abua tò nê, “BetsiꞋa à ka lɔꞋ àlia shùù èka bɔ̧.” Yesò nê, “E mbakà shuu èka bê, à kà wu wakatè am.”

Jɔ̌n 5:4

nkàà nê, wantu̧ Mbɔ̧ɔ̧mà nàa ngɨ̀ tseke tê è chu ngɨ̀ àtɨ̀ŋ yu a bentè. À bente ale, wòt àghɔ̧ tà bɨ̌ nyi a èbem àtɨ̀ŋ a mbɔŋ la kweelè, ka è màà ngu wuê ka àghɔ̧ ane tò leꞋ.]

ÀfaꞋa 13:39

Bɨ ko nê, waa waa tà zǐ èntɨ̧ɨ̧ vi ane Yesò la, Mbɔ̧ɔ̧mà naa waꞋa a kàbɔ̀ŋ tò, è wù àghɨa mbɨ̧te Musì te li tè ka wu ko e ghɨ̌ la.

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 3:24

Mbɔ̧ɔ̧mà nɨa ntsɔ̧̀ vi ngɨ̀ bòt e tsiꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, àku. Tà li ngɨ̀ anè, nkàà èvə lu Yesò Klistò li mpfə nchùꞋù àtsə bòt bàgème ane kàbɔ̀ŋ wɔb la.

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 5:9

Ndɨ̀ wu àlo̧ a Yesò Klistò a ghɨ̂ Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la, baa lâ nko nê Yesò Klistò wu naa li ghɨ̌ baa peme ane ntsǒ Mbɔ̧ɔ̧mà.

Lûm 8:30

Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

Lûm 8:33

Wòt wu tàa li zǐ ànəê àtsəa bòt bu Mbɔ̧ɔ̧mà làà la wu wàà? Wu Mbɔ̧ɔ̧mà zìambɔŋ ka tàa shua nê wòt tɨ̧ɨ̧ ndɨŋndɨ̀ŋ a mbì li la.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 12:2

Bɨ ko nê è li ngu àfɨꞋa kà bɨ̀ ko a Mbɔ̧ɔ̧mà, bɨ fà̧à̧tè èka bɨ̧ ane balu̧ nyaŋ, me kukte bèmbɔ̧ɔ̧mà bu bèa ka làꞋ la.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Gàlashìà 3:11

Ba ye àfɨ̀Ꞌ yaa nê è ntsě mbɨ̧ Musì ka naa ngɨ̀à wòt tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, nkàà nê àkata Mbɔ̧ɔ̧mà a laꞋnê, “Wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na tà zì èntɨ̧ɨ̧ vi ane Yesò la naa li ebɔ mèmpème.”

Gàlashìà 3:24

Ale, mbɨ̧tsə te li ngu àghɨa àa me baabe awa la te egha wu àfɨ̀Ꞌ yu Yesò Klistò li nkɨ̀Ꞌɨ̂ la, mbɨ̀Ꞌɨ̀ baa tɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà èntɨ̧ɨ̧ wu ba zi ane Yesò Klistò la.

Gàlashìà 3:8

Bɔ li ndɔ̀Ꞌ shu a èbem Àkata Mbɔ̧ɔ̧mà nê, Mbɔ̧ɔ̧mà naa li ghɨ̌ bòt kà wu Bèjuê aa tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wɔb bɔ zi ane tò la. Ale, tà bèle àfɨꞋa tsa ntsɔ̀tè Ntu̧ Ntsɔ̧̀ zi abua Abàlàghâm nê, “ÈlaꞋ ègème aa li eghǎ ambo yè ebɔ èlɔ̂t.”

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

2 Tèsàlonikà 2:13

Bɔnyɨ, bɨ̀a wu Mbɔ̧ɔ̧mà nàa nkɔ̀ŋkà àwɨ̧ la, ba bɔ ndɨ bàa me kɔ̀ŋka Mbɔ̧ɔ̧mà ane ànəa yɨ̧ àfɨ̀Ꞌ àgème la. Aa ale nkàà nê Mbɔ̧ɔ̧mà li me laꞋ nê yea ngɨ̀à ngɔ̀ŋ, ndàà àwɨ̧ tè ndɔ̀Ꞌ, mbɨ̀Ꞌɨ̀ e ghɨ̌ bɨa peme. Mbɔ̧ɔ̧mà li ngɨ̀ ayaa ane Fo zi yu tà li ngɨ̀ è ghɨ̀ àwɨ̧ bɨ tsiꞋi mbɨ̀Ꞌɨ̀ tòà la, mè nè ndɨ bɨ li ndzì èntɨ̧ɨ̧ ane èngà̧ wu è wu nkûŋ la.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 2:11

Tàa shùà mènəè kàbɔ̀ŋ bòt. Tòà wa bɔ̂ bòt bu bɔ shùù mènəè kàbɔ̀ŋ mɔb la e bɔ a tǎt wɔb wemɔ̀Ꞌ. Ale, eyaa wu àghɨa a ghɨ̂ ka Yesò kà wua mbɔ̌ àtsəa kɔꞋɔ a màntɔ awɔb ane bɔnyɨ bi la.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

1 Jɔ̌n 2:12

Bɔ̧ bɔ̧, e shɨa letà waa abua yɨ̧ nkàà nê àghɨa Yesò Klistò li ngɨ̀ la a ghɨ̂ Mbɔ̧ɔ̧mà waꞋa bèkàbɔ̀ŋ bɨ̧.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.