Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔlìn 5:11 - Mundani

11 Ka e ndi ngua shɨa nê bɨ̀ ka mbɔ̀ àghɨa ko a màngɨa ne wòt tàa shua nê ye wu wanyɨ wa mbɔ̀ mbèla njɨ̀a ngò̧ò̧tètsə, kò ngɨa aghàbà, nkùkta bènàmbəa, njɨ̀a mènaŋ, nua mèlùꞋ mbea, kò ntsɔa la leꞋ. À ka mbê njɨ̀ àghɨ bɨ èwuu bòt mbɔŋ.

အခန်းကိုကြည့်ပါ။ ကော်ပီ




1 Kɔlìn 5:11
47 ပူးပေါင်းရင်းမြစ်များ  

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.


“Àa li bɨa wɨ̧ bɨ̀a bènyɨꞋtà mbɨ̧te Musì nè Bèfalèsiì, Bɨ̀a wu bɨ̀a shua nê bɨ wu àghɨa kà wu yùà la! Bɨ̀a ngɨ̀ bɨ shùù kwènte bapfəèꞋ nè ndɔŋ tɨ̧, ka tèbemtsə te lu̧ ne èghɨ bɨ ghòꞋne bòt ngɨ̀ɨ̀la awɔb nɨŋ la.


Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.


Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la


Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,


Mbɨ̀Ꞌɨ̀ tà shu ale la, Ànàniàs è gha a lob və, ndze a Sɔ̂l, nɔ̀ŋè èbu bi àtsə atò. Mbɔ̂ shu nê, “Wanɔ̧ Sɔ̂l, Yesò Lefɨ̀Ꞌ wu tà lè saꞋa a mbì lê a alu̧ mbɨ̀Ꞌɨ̀ à lè wua nkɨ̀Ꞌa abàꞋ ŋaa la è tsàà am. Tà tsàà am mbɨ̀Ꞌɨ̀ aa mě me ye edziꞋ, Fo Kèfə naa mě nyi a èntɨ̧ɨ̧ wê.”


Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.


Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.


È wu ale, bèshu̧ bɔ̧, bɨ̀ ka mbê me kukte bènàmbəa.


Bɨ̀a ngɨ̀ bɨ̀ me jɨ, waa waa me jɨ è bi, tè à me lìa bòt ko e tseke ndzìtsə, èbeko e be.


Ale, Mbɔ̧ɔ̧mà ka tàa saꞋa bòt bu àbȩ la. “Bɨ̀ fəâ wòt kàbɔ̀ŋ wu ayɔɔ yɨ̧ la.”


Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.


Wòt Mbɔ̧ɔ̧mà tsiꞋa nɨa wanyɨ vi nga a mbì bòt kà ko a Mbɔ̧ɔ̧mà bɔɔ saꞋa wɔb.


Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.


È me wu bòt ko tsa ko mâ shu nê wanyɨ waa kǒ bɔ àvi tà bakà ko a Mbɔ̧ɔ̧mà, àvi wu me kɔ̀ŋkè tseke bɔ̂ tò, tà ka tù̧u̧ atò. Àyaa ntsě ànəa Tè Yesò laꞋnê è shu la.


Ka wòt kà ko a Mbɔ̧ɔ̧mà me kɨ sà ndzɔꞋɔ, tà sàŋ. Ale, àghɨa ko mè nkùùla wanyɨ waa mbâ̧ kò àvi la leꞋ, a te ntsě. Mbɔ̧ɔ̧mà tɔ awa nê bà me tseke ane àlàŋkè.


Èyǐ wè waa e ghɨ̂ à tsòkè wanyɨ wè wòt Mbɔ̧ɔ̧mà, Yesò Klistò li mpfə ambo tò la.


A li me wu ale ngu nê bòt ko Jimsì li ntsà la e li me laꞋ nê bɔɔ̀ nkɨ̀Ꞌa abàꞋ və, tà ko nê yea njɨ̀a èghɨjɨ bɔ̂ bòt kà ko a Mbɔ̧ɔ̧mà, ka àfɨꞋa bɔ kɨꞋɨ la tà tsì àvi ayɔɔ, ntsìꞋa nkua kwèn kwèn. Tàà ngɨa ale nko nê ye bɔɔ bòt bu bɔ li ngua shua nê bɔ̀ me naŋe bòt Yesò bàgème la.


Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.


Bɨ̀ ko ayaa nê wòt me kùŋè bèzi kò mbâ̧tsə leꞋ, ngɨ̀à èbɨꞋte èghɨ, kò ngu wòt aghàbà leꞋ, (na àyaa à wua nyɨ̀Ꞌta nê wòt nɨ èghɨ mbɔŋ ane mbɔ̧ɔ̧mà vi la) ko tà ka bɔ àdziꞋ a èbem kèfɔ̧̀ wu Yesò Klistò bɔ̂ Mbɔ̧ɔ̧mà àa bà̧aã la.


Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.


Wòt kǒ ayɔɔ yɨ̧ tu̧u̧ e ghɨ̀ mbɨ̀Ꞌɨ̀ ba shu a èbem àkatè ya la, bɨ nɔ̀ŋè èghɨ ane ŋut, bɨ̀ ka mbɔ̀ àghɨa ko e ghɨ̀ ne ŋut, mbɨ̀Ꞌɨ̀ taa bɔ àtsəa kɔꞋɔ.


Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.


Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.


Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.


È wu ale, wòt kɨ̀Ꞌɨ̂ a lob yê me làꞋa èngǎ̧ ko tsa ka nè è waa Yesò li nyɨ̀Ꞌte la, à ka sèè atò. À ka ndem ntsàꞋte atò.


“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.


“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.


Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”


Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ