1 Kɔlìn 4:9 - Mundani

⁹ Mâ mɨɨtè nê Mbɔ̧ɔ̧mà ŋa wa bàa bɔntu̧ tò kwàꞋ àdziꞋa a lìa akwèn la, mbɨ̀Ꞌɨ̀ bòt bɔ̀ tsiꞋa nga bùŋè àwɔb a kètsìà bòt la. A tsiꞋi mbɨ̀Ꞌɨ̀ ba wu a mbì ngɔ̀ŋ nè bɔntu̧ Mbɔ̧ɔ̧mà bɔ̂ bɔbȩ bɔ ye awa.

1 Kɔlìn 4:9 ပူးပေါင်းရင်းမြစ်များ

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.

ÀfaꞋa 19:31

Bèshu̧ tò ko è wû bɔɔjuŋ àbâ àlaꞋ və la e tsɔ̀tè fɔ̀ɔ̀le ntu̧, shù̧ù̧te atò nê, tà ka mbê nga adzìꞋa ngaa yu bòt àa mbù̧ù̧tà la.

Lûm 8:36

A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”

1 Kɔlìn 15:19

Ntɨ̀ yu ba bɔ ane Yesò Klistò mbɨ̀Ꞌɨ̀ peme la, wu wuê ànəa màntseka a ngɔ̀ŋ ŋaa, ko àya aa bɨɨ te tsè àyea wòt ègème a ngɔ̀ŋ ŋaa.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 6:9

Aa ane àbâ ko, bòt è ka ko awa, nga ane ayea ko bòt Mbɔ̧ɔ̧mà e ko bòt bà wu bùà la ntsɔ̧̀. Bòt aa ndzea wa nê ba tsiꞋa mpfəa pfə, ka bɨ̀ ye, ba bele bòt yu̧, mè ndzea ngoꞋ ka bà ka pfə.

1 Tèsàlonikà 3:3

Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 10:33

Bɔ li ngua ntsɔ̧̀ɔ̧̀tà wɨ̧ àfɨ̀Ꞌ àko ayɔɔ banɔ̧̀, è wu àfɨ̀Ꞌ àko bɨ me kɔ̀ŋke e tɨ̧ɨ̧ a mbɨ̧̀ bòt bu bɔ li ngua ngɨ̧̀ɨ̧̀nà wɔb a èlɨ waa la.

Ebùlù 11:36

Bɔ li ngwȩ̀ȩ̀tè èbeko, shù̧ù̧ àwɔb mè nkùùle èbeko ane fȩtsə màꞋà wɔb a lob tèfȩ.