1 Kɔlìn 4:10 - Mundani

¹⁰ Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

1 Kɔlìn 4:10 ပူးပေါင်းရင်းမြစ်များ

Matìù 24:9

Bɔɔ li baãaã wɨ̧ àfɨꞋa mbɔŋ e ŋa bɔɔ zì àwɨ̧ a ngoꞋ ebɔ bùŋè àwɨ̧. Bòt èlaꞋ ègème aa li me pààbè awɨ̧ ambo yaã.

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Lûk 18:9

Yesò lè lɔ̂Ꞌ shu èngà̧teme waa abua bòt bu bɔ tanda nê bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tè ntsìꞋa ndzea bòt ko ntsia àghɨ ane yɔb la.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

ÀfaꞋa 17:18

BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

ÀfaꞋa 17:32

ÀfɨꞋa bɔ zə ndɨ Pɔ̂l làꞋa ànəa mànju̧u̧ma la, bòt ko ane yɔb e wȩȩte atò. Ka èbeko e nê, “À bèle li mě làꞋa èngà̧ waa baa zə.”

ÀfaꞋa 26:24

Mbɨ̀Ꞌɨ̀ Pɔ̂l nàa ntsìà ànəê yu àtsə azi a èlɨ̀ waa la, Festɔ̀s ŋȩ̂ atò nê, “Pɔ̂l, à be. Àkatè yu a ko nyaŋ la aa ghɨ̌ aa be.”

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 1:25

Àghɨa bɔbȩ àa ndzea nê wu àghɨ̧ɨ̧na Mbɔ̧ɔ̧mà la a tsě èyǐ bɔbȩ, àyea bòt àa mè ndzea nê tàà njùa adù̧ la a mè ntsè mètàŋ bɔbȩ.

1 Kɔlìn 10:12

È wu ale, wòt tà mɨɨtè nê ye tɨ̧ɨ̧ ntsɔ̧̀ la me ko avi mbɨ̀Ꞌɨ̀ ka tà kwen.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

1 Kɔlìn 2:3

E ndi ngu ba nɨ̧̀ ba me yu mè ntaꞋa wua mbènta mbɔ̀a.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

1 Kɔlìn 3:2

E ndi njɨ̀a wɨ̧ ane èbɨ̧. È ndi è ka jɨa wɨ̧ nè èghɨjɨ kekweelè, nkàà nê bɨ li bɨ̀ ka kuꞋ ane èghɨjɨ kekweelè. E màà ngu wu àfɨ̀Ꞌ yaa ko bɨ bakà kùꞋ,

1 Kɔlìn 4:8

Bɨ bɔ èghɨ ègème bɨ̀a nkɨà la tê ndɔ̀Ꞌ! Bɨ jandèlè tè ndɔ̀Ꞌ? Ba ntsě àghɨ, ka bɨ tsiꞋi bèfɔ̧̀. A ghɨ̂ à ka ngu nê bɨ wu ndaŋa bèfɔ̧̀, ko baa wu bèfɔ̧̀ ba nɨ̧̀ ba.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 11:19

Bɨa shua nê bɨ bɔ èyì, mbɔ̂ me bɨ̧ɨ̧ne ànəa èkèghɨ̧̀ àa shua la nè mèngùꞋte.

2 Kɔlìn 11:29

Wòt nàa me yu ane mènəè Mbɔ̧ɔ̧mà, è nka wu ntsɔ̧̀ wuê mbɨ̀Ꞌɨ̀ e ntsiꞋi tòà. Wòt nàa ngɨ̀à wekǒ ghɨ a kàbɔ̀ŋ, e ntsiꞋi a èbem ngoꞋ.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 4:12

Ale, èvə aa ntsèka nəèꞋa abà àya àfɨ̀Ꞌ àgème, è me wu ayɨ̧, è wu mèmpème kàlìà.

2 Kɔlìn 6:8

Bòt ko aa nkùkta wa, èbeko e ghɨ̀à ba bɔ àtsəa kɔꞋɔ, èbeko elaꞋa kàbɔ̀ŋ ane èlen la. Bòt ko aa nɨa wa nê ba wu bòt mèfà̧. Mbɔ̂ ba me làꞋà nkûŋ àfɨ̀Ꞌ àgème,

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

1 Pità 4:14

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.