အွန်လိုင်း သမ္မာကျမ်းစာ

« အရင်

နောက်တစ်ခု »

1 Kɔlìn 3:16 - Mundani

¹⁶ Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Kɔlìn 3:16
24 ပူးပေါင်းရင်းမြစ်များ

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

အခန်းကိုကြည့်ပါ။

Lûm 6:16

Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.

အခန်းကိုကြည့်ပါ။

Lûm 6:3

Bɨ bakà ko laꞋ nê bàa wu bàgème bɔ li ndzì awa a èdzî ane èlen Yesò Klistò la, e li mpfə ne tò mbɨ̀Ꞌɨ̀ bɔ zì awa a èdzî la?

အခန်းကိုကြည့်ပါ။

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

အခန်းကိုကြည့်ပါ။

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

အခန်းကိုကြည့်ပါ။

1 Kɔlìn 3:17

Ale, wòt tsòkà lob Mbɔ̧ɔ̧mà ko Mbɔ̧ɔ̧mà naa li tsoke atò mɨ̧̂, nkàà nê lob Mbɔ̧ɔ̧mà wu abua tò zìambɔŋ, bɨ bɔ̂ ngu lob Mbɔ̧ɔ̧mà mbɔŋ.

အခန်းကိုကြည့်ပါ။

1 Kɔlìn 3:9

Ba wu bòt bàa fɔta fàꞋà nɔ̂ abua Mbɔ̧ɔ̧mà la. Bɨ wu mbȩ Mbɔ̧ɔ̧mà, mè ngu lob Mbɔ̧ɔ̧mà.

အခန်းကိုကြည့်ပါ။

1 Kɔlìn 5:6

È ntsě ànəa ntsɔ̧̀ bɨa me ŋeꞋe tèkwȩ tɨ̧ a ègwet. Bɨ bakà ko laꞋ nê betsiꞋa adziꞋi yis ghɨ̀ apfəèꞋ fàlawà kɔꞋ ndû̧ èpfəêꞋ?

အခန်းကိုကြည့်ပါ။

1 Kɔlìn 6:16

Bɨ bakà ko nê wòt tà nɔ̀ŋkè nè ghȩ̀ȩ̀nè ghȩȩne la tsiꞋi mbɨ̧̀ ènyit yemɔ̀Ꞌ bɔ̂ tò? Nkàà nê mbâ̧ nàa nɔ̀ŋkà nè àvi, a wu mbɨ̀Ꞌɨ̀ Àkata Mbɔ̧ɔ̧mà a shu la nê, “Bɔ̂ tò babe aa tsiꞋi mbɨ̧̀ ènyit yemɔ̀Ꞌ.”

အခန်းကိုကြည့်ပါ။

1 Kɔlìn 6:19

Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.

အခန်းကိုကြည့်ပါ။

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

အခန်းကိုကြည့်ပါ။

1 Kɔlìn 9:13

Bɨ bakà ko nê bòt bu bɔ̀ɔ faꞋa a èbem lob nɨŋ Mbɔ̧ɔ̧mà la aa mbɔ̌ èghɨjɨ bɔb a èbem lob mbɔŋ, è bu bɔ̀ɔ faꞋa àdziꞋa bɔ̀ɔ ŋǎ èghɨ abua Mbɔ̧ɔ̧mà la e mè me bɔ èghab wɔb ane èghɨ mbɔŋ?

အခန်းကိုကြည့်ပါ။

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

အခန်းကိုကြည့်ပါ။

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

အခန်းကိုကြည့်ပါ။

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

အခန်းကိုကြည့်ပါ။

2 Tɔ̀màtià 1:14

Neeta mbààbe èghɨ nkûŋ bu Fo Kèfə yu nàa ntsèka ane ya la è zì a tèkitebu tê la.

အခန်းကိုကြည့်ပါ။

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

အခန်းကိုကြည့်ပါ။

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

အခန်းကိုကြည့်ပါ။

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

အခန်းကိုကြည့်ပါ။

1 Jɔ̌n 4:12

Wòt te bakà ye a Mbɔ̧ɔ̧mà, ka ba me kɔ̀ŋkè bɔnyɨ ba, ko baa Mbɔ̧ɔ̧mà ba e tsiꞋi àghɨ yeamɔꞋ, tà mè ndù̧ù̧ne mèntɨ̧ɨ̧ ma nè èkɔŋ.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ