1 Kɔlìn 2:8 - Mundani

⁸ Wòt kǒ ane bèfɔ̧̀ ngɔ̀ŋ, tà li nko àyaa la ntsě. Bɔ li ngɨ̀ ale nko ko bɔ li bɔ̀ ka wu̧u̧te a Lefɨ̀Ꞌ a mbɨ̧̀ mbasa.

1 Kɔlìn 2:8 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Jɔ̌n 16:3

Bɔɔ ghɨ̧̀ɨ̧̀nè àwɨ̧ anè nkàà nê bɔ bakà li mè ko a Tǎt am, bɔ̀ ka meè nko am.

Jɔ̌n 7:48

Tè bɨ ko wajûŋ kǒ, kò wòt kǒ ayɔɔ Bèfalèsiì tà zi èntɨ̧ɨ̧ vi ane tò la à?

Jɔ̌n 8:19

Yesò làꞋ ale bɔ biite atò nê, “Tǎt wè wua à?” Tà bɨ̀ɨ̀lè nê, “Bɨ bakà ko am, bɨ̀ ka mèe nko Tǎt am. Bɨ ghɨ̀ ale nko am, ko bɨ koa Tǎt am mɨ̧̂.”

ÀfaꞋa 13:27

Bòt bu a Jèlusalèm la nè bɔɔjuŋ bɔb e li bɔ̀ ka ko nê Yesò wu wòt tàa ŋàa mèmpème kàlìà la. Bɔ̀ ka lem nko mèngà̧ mu bɔ̀ɔ ntɔ a èbem àkatè bèndàꞋàtɔŋ Mbɔ̧ɔ̧mà àliapfəè Bèjuê àgème la. Ka mbɔ̂ ngɨ̀ mèngà̧ mu bèndàꞋàtɔŋ Mbɔ̧ɔ̧mà è le wua ndàꞋà la è te, ndɨ̀ wu bɔ li mbuŋe a Yesò la.

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

1 Kɔlìn 1:20

Ale, wòt wu tà bɔ èyì la wu neŋàà? NyɨꞋtà mbɨ̧te Musì naa wa à? Bòt bu bɔ̀ɔ nkàànà mènəè àlia laane la bɔ̀ɔ wa à? Mbɔ̧ɔ̧mà nyɨꞋte nê, èyì ngɔ̀ŋ yaa wu àghɨ̧̀ɨ̧̀nè.

1 Kɔlìn 2:6

Mâ batè ndàꞋ àyaa ale, ka bàa bɔntu̧ Mbɔ̧ɔ̧mà aa ndàꞋà èyì ayɔɔ bòt bɔ kweele ane mènəè Mbɔ̧ɔ̧mà la, ka è kà wu èyì wu bòt laane àa nyɨ̀Ꞌta la, kò èyì wu bòt bɔ̀ɔ mbà̧aã èlaꞋ ngɔ̀ŋ, è wu bòt ntsèa tsě la, àa nyɨ̀Ꞌta la.

2 Kɔlìn 3:14

Bɔ li ngu bɔ̀ɔ ngɨ̀ bɔ̀ zə ndɨ wòt tɔ àkata mènkàꞋa kèkweelè nyǎꞋ Mbɔ̧ɔ̧mà la, bɔ̀ ka ko ànəa a shua la, ngu nê ètsə bɔb e li è ka ghaꞋtè. Eyaa wu èlɨ ètsə bɔb ngaa è bele ekɨꞋɨ dzəè laane la. Wòt nàa ngɨ̀ tà tsìꞋi àghɨ yeamɔꞋ nè Yesò Klistò, ka ndǐ mbɔŋ bɔ̂ ndzə a èsi tò.

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.