1 Kɔlìn 2:4 - Mundani

⁴ E ndi è ka wua nyɨ̀Ꞌta mè ndàꞋà èngǎ̧ Mbɔ̧ɔ̧mà ane ètsəê ntsɔ̧̀ wu bɔbȩ àa nɨa èyǐ wɔb ndàꞋà la, ka Mbɔ̧ɔ̧mà li nɨ̌ Fo zi nyɨ̀Ꞌte mètàŋ mi, ngɨ̀ bòt e ko nê ànəa e ndàꞋà la wu nkûŋ.

1 Kɔlìn 2:4 ပူးပေါင်းရင်းမြစ်များ

ÀfaꞋa 20:27

Ngu nê ànəa ako Mbɔ̧ɔ̧mà nàa nkwaꞋta eghɨ̀ kâ e shu awɨ̧ la a ntsě.

ÀfaꞋa 26:28

Fɔ̧̀ Aglipà è biite a Pɔ̂l nê, “À kwaꞋtè nê, betsiꞋa à nɨ̀ kètem àfɨ̀Ꞌ ngɨ̀ e ntsiꞋi Klɨtèn?”

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

1 Kɔlìn 1:17

Yesò Klistò li tà kà wua ntsàà am nê è me zǐ bòt a èdzî, tà li ngua ntsàà am nê è nkɨꞋɨ me tsɔ̀te Ntu̧ Ntsɔ̧̀. È nka me làꞋa ane ndɨ bòt àa nɨa èyě bɔbȩ ndàꞋà la à, mbɨ̀Ꞌɨ̀ ka bɔ̀ ka tsi ndzè mètàŋ mu ane èvə Yesò Klistò a mbɨ̧̀ mbasa la.

1 Kɔlìn 2:1

Bɔnyɨ bɔ̧, e ndi nkɨ̀Ꞌɨ̂ me làꞋa mènəè mu Mbɔ̧ɔ̧mà ghɨ̂ ba ko ane ànəa Yesò la abua yɨ̧ ale, è nka wua nyɨ̀Ꞌta wɨ̧ nê maa nkòa ndàꞋà, è nka wua nyɨ̀Ꞌta èyì.

1 Kɔlìn 2:13

Ale, bà ka wua ndàꞋà ane èyǐ bòt ngɔ̀ŋ. Baa ndàꞋà mbɨ̀Ꞌɨ̀ Fo Kèfə nàa nyɨ̀Ꞌta wa la, ndzààtà mènəè Fo Kèfə ndàꞋà abua bòt bu bɔ bɔ Fo mbɔŋ la.

1 Kɔlìn 4:20

Nkàà nê kèfɔ̧̀ Mbɔ̧ɔ̧mà è ntsě èngà̧ ètsəê, wu mètàŋ.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

1 Tèsàlonikà 1:5

Ba li bàà ka nɨ Ntu̧ Ntsɔ̧̀ yu ekɨꞋɨ abua yɨ̧ wuê ane èngǎ̧ ètsəê. È li nkɨ̀Ꞌɨ̂ nè mètàŋ nè Fo Kèfə ndâ kùbte awɨ̧. Bɨ ko ndɨ ba li ngu ayɔɔ yɨ̧ ale me tseke la. Ba li ngua ngɨ̀à ale ane ntsɔ̧̀ wɨ̧.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

2 Pità 1:16

Ba li me shu awɨ̧ ndɨ Yesò Klistò Lefɨ̀Ꞌ wa nàa li kɨꞋɨ ane mètàŋ mi la ale, è kà wu mènəè ba dèbè mètaã ma è kɔꞋ baa shu la, ba li ndâ nɨ̀ àghɨa ya ndze ènɨ̧ tò.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.