1 Kɔlìn 2:3 - Mundani

³ E ndi ngu ba nɨ̧̀ ba me yu mè ntaꞋa wua mbènta mbɔ̀a.

1 Kɔlìn 2:3 ပူးပေါင်းရင်းမြစ်များ

ÀfaꞋa 17:1

Pɔ̂l bɔ̂ Sȩlàs e ghɨ̀ ale, me ghȩ̀ȩ̀na ngà nè mbì, ntsè èpfəè nɨ̧ bu è wu Àmfipolìs bɔ̂ Àpòlonià la, ngà nyi a Tèsàlonikà, è wu àdziꞋa lob Bèjuê àa ntsàꞋta Mbɔ̧ɔ̧mà la, nàa abot la.

ÀfaꞋa 18:1

Mbɨ̀Ꞌɨ̀ àyaa a tsè la, Pɔ̂l è lɔ̀Ꞌɔ Atèns nga Kɔlìn.

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 18:6

AfɨꞋa bɔ ntu̧ ànəa Pɔ̂l shua la, mè me làꞋà mènəè kàbɔ̀ŋ ane tò la, tà ŋȩ̀ àwɔb, nyìꞋì àbeb ntsi ane ndǐ ti ndèb kwen zi. Me shua wɔb nê, “Bɨ lia nyɔ̂, ko à yu a ye awɨ̧. È ntsě èsaꞋa am.” E bùꞋu àfɨ̀Ꞌ yaa me ghà ne mbì, maa sà àwɨ̧ eghǎ me làꞋa èngǎ̧ Mbɔ̧ɔ̧mà abua bòt kà wu Bèjuê.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 13:4

Bɔ li mbàte ngù̧ù̧te atò a mbɨ̧̀ mbasa mbɨ̀Ꞌɨ̀ wòt tàa njùa la, ka tà wu yû̧ àfɨ̀Ꞌ yaa ane mètàŋ Mbɔ̧ɔ̧mà. Bàa bòt Yesò Klistò e gha ane àbâ ko me yu mbɨ̀Ꞌɨ̀ tà lè wu la, ka bɨ bɔ̂ ngu eye nê baa ntsèka ane mètàŋ Mbɔ̧ɔ̧mà wuê mbɨ̀Ꞌɨ̀ Yesò nàa ntsèka la, faꞋa a kètsìà wɨ̧.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 7:15

Tȩtɔ̀s nàa ngɨ̀ tà mɨ̀ɨ̀te ndɨ bɨ̀agème e li ngua nkɨ e ghɨ àghɨa ye shu la, mè mɨ̀ɨ̀tè nê bɨ li me sèe àvi me bɔa mè mbènta, tà me paa nkɔ̀ŋkà àwɨ̧ nɨa ngà nè mbì.

2 Kɔlìn 7:5

È li ngu àfɨꞋa bà wu a Màsèdonìà la, wòt kǒ ane ya ka bê ndzètè. Ba li ndzě ngoꞋ ane èbâ ègème, me ntàktè nè bòt, kèbɔɔ ke mè ngu a mèntɨ̧ɨ̧ ma.

Efesɔ̀s 6:5

ÈbùꞋ, bɨ̀ me zə bòt bu bɔ bɔ awɨ̧ a sitsǎꞋ ŋàa la nè kèbɔɔ, mèntɨ̧ɨ̧ mɨ̧ mèe me bente. Bɨ̀ me ghɨ̀ ne èntɨ̧ɨ̧ kèfə mbɨ̀Ꞌɨ̀ bɨ wua ngɨa abua Yesò Klistò.