1 Kɔlìn 2:14 - Mundani

¹⁴ Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

1 Kɔlìn 2:14 ပူးပေါင်းရင်းမြစ်များ

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Jɔ̌n 10:20

tè àbəèꞋ àyɔb nyaŋ a nê, “Tà bɔ fo kàbɔ̀ŋ ane zi, mè mbe.” Bɔ ghɨ̀ na ka me yute ànəa tà shua la à?

Jɔ̌n 12:37

Yesò batè ngɨ̀ tèwuute ènəê kà ye fɨ̀Ꞌ ayɔɔ bòt baa ale, ka bɔ̀ ka lem ndzì èntɨ̧ɨ̧ wɔb ane tò.

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

Jɔ̌n 14:26

Ka wòt wu tàa kɨꞋɨ me tɨŋe awɨ̧ la, Fo Kèfə yu tǎt am nàà tsàà ane èlen laã la, naa kɨꞋɨ̀ e nyɨꞋte awɨ̧ èghɨ ègème, mè ngɨ̀ bɨ ku̧u̧tè èghɨ ègème mâ shu abua yɨ̧ la.

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Jɔ̌n 8:43

Bɨ ghɨ̀ na bɨ̀ ka ko ànəa e shua la à? Wu nê bɨa kà mbê nkɨ ezə èngǎ̧ am.

ÀfaꞋa 16:14

Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

ÀfaꞋa 17:18

BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

ÀfaꞋa 17:32

ÀfɨꞋa bɔ zə ndɨ Pɔ̂l làꞋa ànəa mànju̧u̧ma la, bòt ko ane yɔb e wȩȩte atò. Ka èbeko e nê, “À bèle li mě làꞋa èngà̧ waa baa zə.”

ÀfaꞋa 18:15

Ka ndɨ̀ wu è wu ànəa bɨ kaana adù̧ mèngà̧, nè tèlentsə, nè mbɨ̧ tɨ̧ bɨ̀ambɔŋ la, bɨ bɔ̂ ndɨ bɨ̀a tsɔꞋte ayea ngaa bɨ̀ambɔŋ la. BetsiꞋa è nka saꞋa èwuu mènəè ale.”

ÀfaꞋa 25:19

Bɔ̂ tò ba e me kàànè wuê mènəè ko ndɨ bɔ̀ɔmbɔŋ àa ntsàꞋta a Mbɔ̧ɔ̧mà la, mè nkàànà ànəa èlen wòt kǒ bɔ̀ɔ ntɔ nê Yesò la, tà li mpfə, ka Pɔ̂l me shu nê tà wu yû̧ la.

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 1:25

Àghɨa bɔbȩ àa ndzea nê wu àghɨ̧ɨ̧na Mbɔ̧ɔ̧mà la a tsě èyǐ bɔbȩ, àyea bòt àa mè ndzea nê tàà njùa adù̧ la a mè ntsè mètàŋ bɔbȩ.

1 Kɔlìn 15:44

Bɔ̀ɔ ngɨ̀ bɔ̀ me zǐ a si, tà bɔ̀ wuê èwuu mbɨ̧̀ ènyit yu ba bɔ la, è me dzəâ, è tsìꞋi mbɨ̧̀ ènyit è dzəè a ègwet la. Mbɨ̧̀ ènyit wɔ̀bȩ̂ wua, ko è ye Fo Mbɔ̧ɔ̧mà zì mèmpème adù̧ la nàà və mɨ̧̂.

1 Kɔlìn 15:46

È wu nè wòt è wû wɔ̀bȩ̂ la li nkɨ̀Ꞌɨ̂ a mbì, è wu kà wu wɔ̀bȩ̂ la tsiꞋi kɨꞋɨ a kwèn.

1 Kɔlìn 2:12

Ba bakà bɔ fo ngɔ̀ŋ yaa, ba bɔ Fo Mbɔ̧ɔ̧mà zìambɔŋ, mbɨ̀Ꞌɨ̀ naa ghɨ̌ baa ko èghɨ bu Mbɔ̧ɔ̧mà ŋǎ abua ya la.

1 Kɔlìn 3:1

Bɔnyɨ bɔ̧, e ndi ngu ba nɨ̧̀ ba ale, è nka laꞋa abua yɨ̧ mbɨ̀Ꞌɨ̀ bòt bɔ ko mènəè Mbɔ̧ɔ̧mà ntsɔ̧̀ la. E ndi ndàꞋ abua yɨ̧ mbɨ̀Ꞌɨ̀ e ndàꞋa abua bòt ngɔ̀ŋ, mè ndàꞋ mbɨ̀Ꞌɨ̀ e ndaꞋa abua bɔtechɨɨle ane mènəè Yesò Klistò.

Jimsì 3:15

Èwuu èyì waa è ka dzə abua Mbɔ̧ɔ̧mà, e dzə a sitsǎꞋ, Fo Mbɔ̧ɔ̧mà kà meè ngu adù̧. E dzə abua Satàn.

1 Jɔ̌n 2:20

È me wu awɨ̧, ko ngule Waã Mbɔ̧ɔ̧mà zi Fo zi ane yɨ̧ tè ngɨ̀ wòt ègème ane yɨ̧ ko nkûŋ.

1 Jɔ̌n 2:27

È me wu awɨ̧ ko Yesò Klistò è zi Fo zi adù̧ yɨ̧ tè è tsiꞋi ane yɨ̧. Mbɨ̀Ꞌɨ̀ Fo tò wû ane yɨ̧ la, Wòt tsa bakà tsi mbɔ̌ ndɨ tàa mě nyɨꞋte awɨ̧ àghɨa ko la. Aa ale nkàà nê Fo tò yu nàà nyɨ̀Ꞌta awɨ̧ èghɨ ègème. Àghɨa Fo yu nàa nyɨ̀Ꞌta la wu nkûŋ, àfɨte a ntsě adù̧. È wu ale, bɨ̀ me zə àghɨa Fo yu nàa nyɨ̀Ꞌta la, mè ngu àghɨ yeamɔꞋ bɨ̂ Yesò Klistò ba.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Jûd 1:19

Bòt mbɔŋ wu bòt bɔ̀ɔ ndzìà àghàbtè a kètsìà bòt la. Bɔɔ ngɨ̀à wuê mbɨ̀Ꞌɨ̀ mbɨ̧te ènyit tɔb te kɨa la, bɔ̀ ka bɔ Fo Kèfə ane yɔb.