1 Kɔlìn 16:16 - Mundani

¹⁶ Mâ shu̧u̧te awɨ̧ nê bɨ̀ me zə èwuu bòt baa, nè bòt ko tsa bɔ̀ɔ fɔta fàꞋà nè Stefanàs ba la.

1 Kɔlìn 16:16 ပူးပေါင်းရင်းမြစ်များ

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:6

Bɨ̀ tsàꞋte Màlià wu tà taꞋa fàꞋa abua yɨ̧ la.

Lûm 16:9

Bɨ̀ tsàꞋtè Yubanùs, è wu wòt bàa tò ba àa fàꞋà abua Yesò Klistò nɔ̂ la, mè ntsàꞋtè ngule shu̧ yaã Stachis.

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

1 Kɔlìn 3:9

Ba wu bòt bàa fɔta fàꞋà nɔ̂ abua Mbɔ̧ɔ̧mà la. Bɨ wu mbȩ Mbɔ̧ɔ̧mà, mè ngu lob Mbɔ̧ɔ̧mà.

Efesɔ̀s 5:21

Bɨ̀ me zə bɔnyɨ bɨ̧ nkàà nê bɨa nkùkta Yesò Klistò.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

1 Tèsàlonikà 5:12

Bɔnyɨ ba, baa shù̧ù̧ta awɨ̧ nê bɨ̀ me ŋa kènuke abua bòt bu bɔ̀ɔ ndâ faꞋa ayɔɔ yɨ̧ la. Baa shua bòt bu Mbɔ̧ɔ̧mà tsia àtsəa yɨ̧ nê bɔ̀ me kɨɨte awɨ̧ ndɨ bɨ̀a me tseke la.

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

Ebùlù 13:24

Bɨ̀ tsàꞋte bòt bu bɔ̀ wu àtsəa yɨ̧ la bàgème, mè nè bòt Mbɔ̧ɔ̧mà bàgème. Bɔnyɨ baa bu a Itàlì la aà ntsàꞋtè awɨ̧.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”

3 Jɔ̌n 1:8

Ale, bàa bòt Yesò e bɔ̂ ndɨ bàa tɨŋe bòt baa mbɨ̀Ꞌɨ̀ ezì àbu ba tò ba ane àfàꞋ yu bɔ̀ɔ fàꞋà a màndaꞋa èngǎ̧ nkûŋ la.

Ètsə 2:3

Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.