1 Kɔlìn 16:15 - Mundani

¹⁵ Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

1 Kɔlìn 16:15 ပူးပေါင်းရင်းမြစ်များ

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

Lûm 12:13

Bɨ̀ me tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la, mè me sèè bègɨ̧̀.

Lûm 15:25

Ka la e ngua nga a Jèlusalèm àfɨ̀Ꞌ yaa nè èghɨ, eŋa abua bòt Mbɔ̧ɔ̧mà bu abàꞋ və la.

Lûm 15:31

Bɨ̀ me tsàꞋte atò nê tà ghɨa bòt bu a Jùdià bɔ̀ baka zi mèntɨ̧ɨ̧ mɔb ane Mbɔ̧ɔ̧mà la è ka ndzì àlɔꞋ ane yaã, me nè bòt Mbɔ̧ɔ̧mà bu a Jèlusalèm la è nɨ àghɨa e nɨa nga etɨŋe awɔb la nè mèngùꞋte.

Lûm 16:2

Bɨ̀ sèe atò mbɨ̀Ꞌɨ̀ wòt Yesò, ane èlɨ bòt Mbɔ̧ɔ̧mà àa sèe bɔnyɨ bɔb la, mè ŋa tò àghɨa àgème tàa nkɨ̀ŋkà la, nkàà nê tà taꞋa tɨŋe bòt nyaŋ, è fɔ̀ɔ̀lè am.

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

1 Kɔlìn 1:16

(Mâ ku̧u̧te àfɨ̀Ꞌ yaa nê e ndi ndzì Stefanàs bɔ̂ bòt lob zi a èdzî mɨ̧̂, ka è mbakà tsi nko wòt kǒ tsa e ndi ndzìa tò a èdzî la, ka nè bòt baa.)

1 Kɔlìn 16:1

Maà nkɨ làꞋa ane ànəa màfeta èkab e nɨ tɨŋe bòt Mbɔ̧ɔ̧mà bu a Jèlusalèm la, nê, bɨ bɔ ndɨ bɨ̀a ghɨ̀ àghɨa e ndi shu abua bèchɔsì bu a Gàlashìà nê bɔ̀ me ghɨ̀ la.

1 Kɔlìn 16:17

A taꞋa bɔ̌ am nê, Stefanàs bɔ̂ Fɔ̀tùnatùs nè Àkekùs e kɨꞋɨ̀ nkàà nê bɔ nɨ àdziꞋa yɨ̧ ndɨ̀ wu bɨ ntsě a si la.

2 Kɔlìn 8:4

shù̧ù̧ta wa a ngo̧ a ngò̧ nê ba ghɨ̀ àwɔb a ntsɔ̧̀ ŋà wɔb èlu̧ bɔ̀ ghɨ̀ àyɔb ne àfàꞋ a màŋa èghɨ abua bòt Mbɔ̧ɔ̧mà bu a Jùdià la.

2 Kɔlìn 9:1

E mbakà lâ ntsi ndzè lə màa mě e shɨ awɨ̧ àkatè ane ànəa màŋa èghɨ abua bòt Mbɔ̧ɔ̧mà la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Fȩlemùn 1:7

Wanɔ̧, èkɔŋ wu à bɔŋ ane bòt Mbɔ̧ɔ̧mà la e taꞋa lɔ̀kte èntɨ̧ɨ̧ am, mè ngɨ̀ e ntaꞋa bɔ mèngùꞋte, nkàà nê à ghɨ mèntɨ̧ɨ̧ bòt Mbɔ̧ɔ̧mà me bɔ̌.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.

Ètsə 14:4

Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.