1 Kɔlìn 16:13 - Mundani

¹³ Bɨ̀ me ko awɨ̧, ntɨ̧̀ɨ̧ ntsɔ̧̀ ane èntɨ̧ɨ̧ wɨ̧ wu bɨ zi ane Yesò la, ntɨ̧ɨ̧ mbɨ̀Ꞌɨ̀ mbâ̧ mè me kweele.

1 Kɔlìn 16:13 ပူးပေါင်းရင်းမြစ်များ

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Matìù 26:41

Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà e ghɨ̌ àghɨ, ka mbɨ̧̀ ènyit ka wua nkɨà.”

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Efesɔ̀s 6:10

Enɨ lìa, bɨ̀ me kweele ndɨ̀ wu bɨ̀ tsiꞋi àghɨ yeamɔꞋ nè Tè Yesò la, mè tsiꞋ tà ŋa awɨ̧ mètàŋ kèkweelè mi.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Kɔ̀losìà 4:2

TsiꞋ è shu abua yɨ̧ bàgème àfɨ̀Ꞌ yaa nê bɨ̀ me tsàꞋte Mbɔ̧ɔ̧mà àfɨ̀Ꞌ àgème. Bɨ̀ ghɨ̀ bɨ̀ me tsàꞋte, bɨ me zə wuê ànəa bɨ shua abua tò la, mè me ŋa mènkɔ̀ŋke abua tò.

1 Tèsàlonikà 3:8

Mèntɨ̧ɨ̧ ma fi àfɨ̀Ꞌ yaa na bɨ bele àghɨ yeamɔꞋ nè Tè Yesò la.

1 Tèsàlonikà 5:6

È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.

2 Tèsàlonikà 2:15

Bɔnyɨ, è wu ale bɨ̀ ka mbɨ̧̀ɨ̧̀nê àghɨa ko a tsì èntɨ̧ɨ̧ wɨ̧ ane mènəè Yesò. Bɨ̀ neeta mbà̧aã nkûŋ yu bɔ li nyɨ̀Ꞌte awa, bàambɔŋ e mè nyɨ̀Ꞌte àfɨ̀Ꞌ yu ba li ngua ndàꞋà èngǎ̧ Mbɔ̧ɔ̧mà abua yɨ̧, mè shu a èbem àkatè yu ba li shɨ abua yɨ̧ la.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

2 Tɔ̀màtià 4:5

È wu awê, ko me baabe awê àfɨ̀Ꞌ àgème, nkìà ngoꞋ. Baãaã àfàꞋ ayê mbɨ̀Ꞌɨ̀ wòt màntsɔta Ntu̧ Ntsɔ̧̀ Yesò, mè me nɨ àfàꞋ ayê ngà wuê nè mbì mbɨ̀Ꞌɨ̀ ngule wɔ̀fàꞋ Mbɔ̧ɔ̧mà.

2 Tɔ̀màtià 4:7

Mâ nù èbet ntsɔ̧̀, mâ lùùlà tê mpàâ,

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”