1 Kɔlìn 16:11 - Mundani

¹¹ Ale, wòt ka ngwàa tò, ka bɨ̀ tɨŋe atò ntsaa tò tà ghȩ̀ȩ̀ne ane àlàŋkè, mè nkɨ̀Ꞌɨ̂ abua am nkàà nê, maà nchɨꞋa tò bɔ̂ bɔnyɨ ba ko bu.

1 Kɔlìn 16:11 ပူးပေါင်းရင်းမြစ်များ

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

ÀfaꞋa 15:3

Bòt chɔsì bu e nɨa awɔb ngà ntsaa alu̧. Mbɨ̀Ꞌɨ̀ bɔɔ ntsea àlaꞋ a Fònisìà nè Sàmalìà la, bɔ me shu bòt ndɨ bòt kà wu Bèjuê e kubte tê ntsìꞋi bòt Mbɔ̧ɔ̧mà la. ÀfɨꞋa bɔnyɨ bu bàgème e zə ntu̧ yaa la, ànəa ngaa a taꞋa bɔ̀ àwɔb.

ÀfaꞋa 15:33

ÀfɨꞋa bɔ tseke nyaŋ abàꞋ və la, bɔnyɨ ba bu e làꞋnè àwɔb nè èntɨ̧ɨ̧ wɔb wemɔ̀Ꞌ nê, bɔ̀ wèna abua bòt bu bɔ li ntsàà àwɔb la.

1 Kɔlìn 16:10

Tɔ̀màtià naa kɨꞋɨ bɨ me baãaã atò ntsɔ̧̀, nkàà nê, tà wua ngɨ̀à àfaꞋa Tè Yesò mbɨ̀Ꞌɨ̀ màa ngɨ̀à la.

1 Kɔlìn 16:6

Maa li tseke ba nɨ̧̀ ba te a teko àbɨ̂ŋ aa tsě, mbɨ̀Ꞌɨ̀ bɨa tɨŋe am ane lèghȩ̀ȩ̀nè am etsǎ am maa ghǎ àdzìꞋ àgème màa nkɨ ghà la.

2 Kɔlìn 1:16

E ndi ntàŋke nê maa me tsea nga a Màsèdonìà eye awɨ̧, è me kua e mè ndzè àwɨ̧, mbɨ̀Ꞌɨ̀ è me gha a Jùdià bɨ tɨŋe am.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

Tȩtɔ̀s 2:15

NyɨꞋte mènəè maa abua bòt. Nɨ nkȩ yê me zì mèntɨ̧ɨ̧ bòt mè nyɨꞋte bòt mènəè bɔ fà̧à̧tè la. Ko mbɨ̀Ꞌɨ̀ à sàŋ wòt kǒ tà me waa awê.

3 Jɔ̌n 1:6

Bɔ kɨꞋɨ̀ ntaꞋa làꞋa ndɨ àa nkɔ̀ŋkà bòt la abua bòt chɔsì ko bu a si ŋàa la. Shu̧ yaã, tɨŋe awɔb ane lèghȩ̀ȩ̀nè wɔb ndɨ àa bɔ̌ a Mbɔ̧ɔ̧mà la.