1 Kɔlìn 15:58 - Mundani

⁵⁸ È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

1 Kɔlìn 15:58 ပူးပေါင်းရင်းမြစ်များ

Ntu̧ Ntsɔ̧̀ MAK 3:3

Yesò tɔ wòt wu àbu atò a pfə la nê, “KɔꞋɔ a mbì.”

Lûk 19:19

“Ŋut wu mè ntsìꞋi shu abua wafàꞋ ngaa nê, ‘Maa tsia awê àtsəa èpfəè nɨ̧ betà̧â̧.’

1 Kɔlìn 16:10

Tɔ̀màtià naa kɨꞋɨ bɨ me baãaã atò ntsɔ̧̀, nkàà nê, tà wua ngɨ̀à àfaꞋa Tè Yesò mbɨ̀Ꞌɨ̀ màa ngɨ̀à la.

1 Kɔlìn 3:8

Wòt wu tà nyɔ̀Ꞌ la, nè wòt tà zì mèleb la e wua ngɨ̀à wuê àfàꞋ yeamɔꞋ, Mbɔ̧ɔ̧mà na li ŋa àbȩ̀ waa waa mbɨ̀Ꞌɨ̀ tà ghɨ àfàꞋ àzi la.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 4:11

Bɨ ghɨ̀ tê e ntsiꞋa mbɔ̀ɔ bɔɔ nê kò àfaꞋa mâ fàꞋa ane yɨ̧ la a tsè àku leꞋ.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

Filìpȩ 2:30

nkàà nê tà li ndaa epfə ane àghɨa tà li ngua ngɨ̀à ane yaã ane èlen Yesò Klistò la. Tà li ngua ngɨ̀à ale mbɨ̀Ꞌɨ̀ eŋa am ètɨŋe wu bɨ̀ambɔŋ e li ngu eŋa ka bɨ̀ ka wu a si ŋaa la.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 2:5

Bɨ̀ ko nê, mâ batè è nka wu adzìꞋ yu ba nɨ̧̀ ba ale, mbɔ̂ mbèla mɨ̀ɨ̀tà wɨ̧ àfɨ̀Ꞌ àgème. Aa mbɔ̀ am ndɨ̀ wu mâ ye bɨ lâ fɔtè ntɨ̧̀ɨ̧ me kweele ane mèntɨ̧ɨ̧ mɨ̧ mu bɨ zi ane Yesò Klistò la.

Kɔ̀losìà 2:7

Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

1 Tèsàlonikà 3:3

Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.