1 Kɔlìn 15:52 - Mundani

⁵² Àyaa aa li wu kwàꞋ ngò̧ yemɔ̀Ꞌ, mbɨ̀Ꞌɨ̀ bɔ̀ɔ ngwèlà èghɨ la, àfɨꞋa bɔ tɔ èsɔndɨk e lìa la. Bɔɔ li ntɔ lùà, bòt bɔ pfəꞋte la e yu̧u̧mè ntsìꞋi bòt kà wu tsi pfə, baa wu bà bele e be yu̧ la e kubtè.

1 Kɔlìn 15:52 ပူးပေါင်းရင်းမြစ်များ

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Jɔ̌n 5:25

Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

Jɔ̌n 5:28

“Bɨ̀ ka màkè àyaa, nkàà nê, àfɨꞋa a kuêꞋ bòt bu a èbem èsî la àa zə àtɔŋ tò,

1 Kɔlìn 15:23

Mbɔ̧ɔ̧mà bɔ̂ ngu ghɨ waa waa naa yu̧u̧me ane vi ne akɔ̀Ꞌ. Yesò Klistò bɨɨ njù̧ù̧mê, bòt bu è wù èbe tò la e wu li yu̧u̧me mɨ̧̂ ane àli yu tàa li kɨꞋɨ la.

1 Kɔlìn 15:42

Eyaa bê ngu ndɨ mbɨ̧te ènyit bòt bɔ pfəꞋte la tèa li wu tsa àfɨꞋa bɔ yu̧u̧me la. Mbɨ̧̀ ènyit bɔ zǐ a si la nàà fìà, ka è ye è dzə a èbem èsî la ka wua fìà.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

1 Tèsàlonikà 4:15

Ba wua shua wɨ̧ mbɨ̀Ꞌɨ̀ Lefɨ̀Ꞌ li nyɨ̀Ꞌte awa la nê, naa li ngu ane àli yu tàa kɨꞋɨ la, bàa wu bà bele ka pfəèꞋte la, è ka tse a mbì bòt bu bɔ pfəꞋte la.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

Ètsə 8:13

E ndȩ̀ me ye ndzě èfaã ndèa a ègwet, me zə e me ŋȩ shua nê, “A bɨ ɔɔ̀! A bɨ ɔɔ̀! Aa bɨ àbâ bòt bu bɔ̀ɔ ntsèka a sitsǎꞋ la, àfɨꞋa bɔ̀ɔ zə tèsɔnkendɨk tu, bɔntu̧ Mbɔ̧ɔ̧mà ko bu batat la àa tɔ la.”

Ètsə 8:2

AfɨꞋa mbɔŋ e ndze bɔntu̧ Mbɔ̧ɔ̧mà bu basà̧à̧mbe bèa ntɨ̧̀ɨ̧̀ta a mbì tò la, bɔ ŋa tèsɔnkendɨk tesà̧à̧mbe abua yɔb.