1 Kɔlìn 15:45 - Mundani

⁴⁵ Àkata Mbɔ̧ɔ̧mà a laꞋnê, “Mbɔ̧ɔ̧mà li ngɨ a Adàm mbì tà tsìꞋi wòt yû̧.” Ka Adàm kwèn tsìꞋi Fo nàa ŋǎ mèmpème la.

1 Kɔlìn 15:45 ပူးပေါင်းရင်းမြစ်များ

Jɔ̌n 1:4

Tà wu wòt tàa ŋǎ ngule mèntsèke abua bòt, è ghɨ̀à bɔ bɔ èkaꞋà la.

Jɔ̌n 10:10

Tsɔŋ nàa ngɨ̀ tà wua nkɨ̀Ꞌa wuê mbɨ̀Ꞌɨ̀ etsɔ, ebùŋe, tsòke. E ndɨ nkɨ̀Ꞌɨ̂ mbɨ̀Ꞌɨ̀ e ghɨ̌ bòt aa bɔ mèmpème, mbɔ̂ ngu ebɔ mùà nènkèm.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Jɔ̌n 6:33

Èghɨjɨ baa Mbɔ̧ɔ̧mà nàa ŋǎ la, wu tòà wu tà chu a ègwet me ŋa mèmpème abua bòt ngɔ̀ŋ la.”

Jɔ̌n 6:54

Wòt tà kwele nyà̧ ènyit yaã ndɔ̀Ꞌ nù àlo̧ am la, è bɔ mèmpème kàlìà, e mbɔ̂ ngu li eyu̧u̧me atò àlia ngɔ̀ŋ naa lìa la.

Jɔ̌n 6:57

Tǎt am wu tàa ŋa mèmpème la, e tsàà am, è mè ngu tòà ka tà ghɨ̂ e mbɔ mèmpème la. Wu wuê èlɨ màa ghɨ̌ wòt tà kwele yà̧ ènyit yaã la nàa bɔ mèmpème la.

Jɔ̌n 6:63

Fo Mbɔ̧ɔ̧mà ka nàa ngɨ̀a bòt e bɔ mèmpème la, betsiꞋa wɔ̀bȩ̂ ka bɔ mua ane mi ne mètàŋ. Mèngǎ̧ maa e ndaꞋa abua yɨ̧ la dzə abua Fo Mbɔ̧ɔ̧mà, è mè ngu mùà ka nàa ŋǎ mèmpème kàlìà la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Lûm 8:2

Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.

1 Kɔlìn 15:46

È wu nè wòt è wû wɔ̀bȩ̂ la li nkɨ̀Ꞌɨ̂ a mbì, è wu kà wu wɔ̀bȩ̂ la tsiꞋi kɨꞋɨ a kwèn.

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Ètsə 16:3

We babe ane bɔntu̧ Mbɔ̧ɔ̧mà bu tsəè è li ne èpfəèꞋ a èbem *èdzî. Tà tsəè ale, mèleb mu gheblè ntsìꞋi mbɨ̀Ꞌɨ̀ àlo̧ a mpfəà. Àghɨa yu̧ àgème àa a èbem mèleb mbɔŋ la a pfə.

Ètsə 21:6

Tà ghɨ̀ ale, mè shu abua am nê, “A mî, E ngu mbì nè kwèn, MèmbùꞋu nè Mèndìa. Maa ŋa mèleb è dzəâ a èbem adzì wu nàa ŋa mèmpème la, àku, abua waa waa àtɔŋ tò a yu̧ la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:17

Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.