1 Kɔlìn 15:31 - Mundani

³¹ Bɔnyɨ bɔ̧, èvə aa nəèꞋa a tèdzi taã àli àgème. E nkà̧à̧ àyaa ane kèghàꞋtè fu mâ bɔ ane yɨ̧ ndɨ̀ wu bà wu àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 15:31 ပူးပေါင်းရင်းမြစ်များ

ÀfaꞋa 20:23

Mâ ko wuê nê, Fo Kèfə nàà shu am a èbem àpfəèà nɨ̧ àgème mâ tsè la nê è nko na lob tèfȩ nè ngoꞋtsə tèa nchɨ̀Ꞌà am la.

Lûm 8:36

A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

1 Tèsàlonikà 2:19

Ane nkûŋ, wu bɨ̀a ka bɨ ghɨ̂ ba bɔ ntɨ̀ nè mèngùꞋte mè mbɔ̀ lə bàa me ghàꞋtè àwa a mbì Yesò Lefɨ̀Ꞌ ane àlia tàa kɨꞋɨ la.

1 Tèsàlonikà 3:9

BetsiꞋa ba ŋa mènkɔ̀ŋke abua Mbɔ̧ɔ̧mà àfɨ̀Ꞌ yaa nkàà wɨ̧. Ba kɔ̀ŋka Mbɔ̧ɔ̧mà nkàà mèngùꞋte mu bɨ ghɨ̂ ba bɔ a mbì tò la.