1 Kɔlìn 15:2 - Mundani

² Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

1 Kɔlìn 15:2 ပူးပေါင်းရင်းမြစ်များ

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

ÀfaꞋa 2:47

Bɔ li ngua nguꞋta a Mbɔ̧ɔ̧mà tè waa waa ye nê bɔ wu bòt ntsɔ̧̀. Tè Yesò li ngua nkwèꞋnà bòt tà ŋa wɔb ngule mèmpème la ane yɔb àli àgème.

ÀfaꞋa 8:13

Simùn wu mɨ̧ bɨ̧ɨ̧nè èngǎ̧ Filìb, tà zì atò a èdzî mɨ̧̂, mbùꞋ me ghȩ̀ȩ̀nè bɔ̂ Filìb. Mbɨ̀Ꞌɨ̀ bɔ̀ɔ ngȩ̀ȩ̀nà la, Filìb wu ghɨ̀ tèwuute ènəê kà ye fɨ̀Ꞌ nè ngɨŋa mènəè tè a bê ntsè atò.

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Lûm 11:22

Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂.

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

1 Kɔlìn 15:14

A wu nê, Yesò Klistò bakà yù̧ù̧mê, ko èngǎ̧ Mbɔ̧ɔ̧mà wu ba làꞋà la e wu àku, èntɨ̧ɨ̧ wu bɨ zi ane Yesò Klistò la mè ngu àku.

2 Kɔlìn 2:15

Baa anè ntsìꞋi mbɨ̀Ꞌɨ̀ mèwet àghaa ntsɔ̧̀ Yesò Klistò ŋa abua Mbɔ̧ɔ̧mà a kètsìà bòt pèma la nè èbe ndèma la.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Gàlashìà 3:4

Bɨ li ngua ndzèa taꞋà ngoꞋ yu ale wuê àku? Mâ mɨɨtè nê è li è kà wu àku.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

2 Tèsàlonikà 2:15

Bɔnyɨ, è wu ale bɨ̀ ka mbɨ̧̀ɨ̧̀nê àghɨa ko a tsì èntɨ̧ɨ̧ wɨ̧ ane mènəè Yesò. Bɨ̀ neeta mbà̧aã nkûŋ yu bɔ li nyɨ̀Ꞌte awa, bàambɔŋ e mè nyɨ̀Ꞌte àfɨ̀Ꞌ yu ba li ngua ndàꞋà èngǎ̧ Mbɔ̧ɔ̧mà abua yɨ̧, mè shu a èbem àkatè yu ba li shɨ abua yɨ̧ la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Jimsì 2:14

Bɔnyɨ bɔ̧, wòt nê ye zi èntɨ̧ɨ̧ vi ane Mbɔ̧ɔ̧mà, ka àfaꞋa tò a bakà wua nyɨ̀Ꞌta èlɨ mbɔŋ, àbȩ̀ wu ghà à? Tè betsiꞋa èntɨ̧ɨ̧ mbɔŋ e ghɨ̀ tà bɔ̀ mèmpème?

Jimsì 2:17

Eyaa bê ngu wuê ndɨ wòt zìà èntɨ̧ɨ̧ vi ane Mbɔ̧ɔ̧mà, tè mbakà wua nyɨ̀Ꞌta wua ane àfàꞋ àzi, tà ko nê èntɨ̧ɨ̧ mbɔŋ wu àpfəꞋte la.

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.