1 Kɔlìn 15:10 - Mundani

¹⁰ Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 15:10 ပူးပေါင်းရင်းမြစ်များ

Matìù 10:20

È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.

Matìù 25:16

WafàꞋ wu bɔ yaã ŋà bètɔsì batà̧â̧ abua tò la, ghà ndzì ane èwen, bètɔsì batà̧â̧ e mè nyî a ègwet.

Lûm 11:1

Ale, tsiꞋ è mbììte nê: Tè Mbɔ̧ɔ̧mà waꞋa bòt bi? ChaꞋ, ta bakà waꞋa awɔb. Mmɔ̌ mbɔŋ e ngu wòt Izəèlȩê, wòt àndǎ̧ Abàlàghâm, mâ dzəa a ləlob Benjamèn la.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

1 Kɔlìn 15:11

Kò wu mmɔ̌ ka e ndi ndàꞋà èngǎ̧ mbɔŋ la, kò è li ndàꞋà bɔ̀ɔ̀ba leꞋ, ko eyaa wu èngǎ̧ Mbɔ̧ɔ̧mà ba li ndàꞋ la, mè ngu àghɨa bɨ li mbɨ̧̀ɨ̧̀ne la.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

1 Kɔlìn 3:10

E ndi nɨ̌ èyì wu Mbɔ̧ɔ̧mà ŋa abua am la nɨŋ mbɔ̧̀ɔ̧̀ àtetsi mbɨ̀Ꞌɨ̀ wòt tà ko àfàꞋ la. Wòt tsa wua mbɔ̧̀ɔ̧ adù̧. Ka wòt naa me bɔ̧ɔ̧ adù̧, tà me ko avi ndɨ ye bɔ̧ɔ̧ la.

1 Kɔlìn 3:6

E ndi nyɔ̀Ꞌ èsaãaãme, e tu, Àpolòs zì mèleb, ka è lè wu Mbɔ̧ɔ̧mà tà ghɨ̂ e tsə la.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

2 Kɔlìn 12:11

Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

2 Kɔlìn 3:5

Ba ntsea shua nê ba ghɨ̀à àfàꞋ yaa ane mètàŋ ma. Wu Mbɔ̧ɔ̧mà ka tà ŋa awa mètàŋ ba me nɨa ngɨ̀à àghɨa bàa ngɨ̀à la.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Gàlashìà 2:8

Mbɔ̧ɔ̧mà li ngɨ̀ e ntsiꞋi wantu̧ tò a màndaꞋa èngǎ̧ tò abua bòt kà wu Bèjuê, wuê mbɨ̀Ꞌɨ̀ tà li ngɨ̀ Pità tsìꞋi wantu̧ tò a màndaꞋa èngǎ̧ tò abua Bèjuê la.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

1 Tèsàlonikà 5:12

Bɔnyɨ ba, baa shù̧ù̧ta awɨ̧ nê bɨ̀ me ŋa kènuke abua bòt bu bɔ̀ɔ ndâ faꞋa ayɔɔ yɨ̧ la. Baa shua bòt bu Mbɔ̧ɔ̧mà tsia àtsəa yɨ̧ nê bɔ̀ me kɨɨte awɨ̧ ndɨ bɨ̀a me tseke la.

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.