1 Kɔlìn 14:6 - Mundani

⁶ Bɔnyɨ bɔ̧, e nkɨ̀Ꞌa abua yɨ̧ me làꞋa ndɨ̧tsə tsa tsa, ko màa tɨŋe awɨ̧ ane ghà à? BetsiꞋa è nka tɨŋe awɨ̧ kà wu nê mâ nɨ ànəa Mbɔ̧ɔ̧mà nyɨꞋte abua am la e kɨꞋɨ shu awɨ̧, ko ghaꞋte èghɨ mâ ko la e shu bòt leꞋ, kò ndaꞋa ane àtɔŋ Mbɔ̧ɔ̧mà leꞋ, kò nyɨ̀Ꞌta wɨ̧ mènəè leꞋ.

1 Kɔlìn 14:6 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 16:26

Wòt wua ane njɨ̀a èghɨ sitsǎꞋ ègème, mbɔ̂ nyɔ̂ zìambɔŋ tà ko nê ye vi ghàà? Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 14:1

Bɨ̀ ghɨa èkɔŋ e wua àghɨa mbì abua yɨ̧, mè ndâ me kɨ èghɨ Fo Mbɔ̧ɔ̧mà nàa ŋǎ la. Ane èghɨ mbɔŋ, màndaꞋa ane àtɔŋ Mbɔ̧ɔ̧mà à wu mbì.

1 Kɔlìn 14:7

Ka wuê afɨ̀ nè àkèkwàꞋ, è wù èghɨ kà wua ndzèènà la, e bakà laꞋa tsa tsa bɔ ghɨ̀ na ka nko ànəa e shua la à?

2 Kɔlìn 11:6

È màà ngu wuê nê maa kà ko ndàꞋ, ko àghɨa ko bɔ ko tê ntsè am la a ntsě. Mâ ghɨ̂ bɨ ko àyaa a ngo̧ a ngò̧ ane àghɨ àgème mâ ghɨ̀ la.

2 Kɔlìn 12:1

Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

2 Kɔlìn 12:7

Mbɔ̧ɔ̧mà li tà kà wua nkɨà maa me ŋeꞋe tèkwȩ taã ane èghɨ bu e ghe tà ghaꞋte àghɨ am e ndze la. Ale, Mbɔ̧ɔ̧mà zì àghɨa ko ane yaã aa ghɔɔ am, ekele am mbɨ̀Ꞌɨ̀ e me ŋeꞋe tèkwȩ taã a ègwet nyaŋ. Àghɨ yaa a li ngu mbɨ̀Ꞌɨ̀ wantu̧ Satàn.

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Efesɔ̀s 3:4

Bɨ tɔ àghɨa mâ shɨ la ko bɨa ye ndɨ mâ ko ànəa ndò̧ a Mbɔ̧ɔ̧mà yaa ane Yesò Klistò la.

Filìpȩ 3:15

A bɔ̂ŋ nê, bàa wu ba tsə tê ntsìꞋi bɔɔjuŋ ane èngǎ̧ Mbɔ̧ɔ̧mà la è me kwàꞋtè mènəè ane èlɨ̀ waa. Mbə è wu nê bòt ko ane yɨ̧ aà nkwàꞋtà èlɨ tsa, ko Mbɔ̧ɔ̧mà naa ghaꞋte ètsə bɔb.

2 Tɔ̀màtià 2:14

Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.

2 Tɔ̀màtià 3:16

Wu Mbɔ̧ɔ̧mà zìambɔŋ ka tà ghɨ̂ bɔ shɨ àghɨ àgème àa a èbem Àkata tò la. Ale, betsiꞋa wòt nɨ̀ letà waa me nyɨꞋte mènəè nkûŋ, ntù̧a mènəè kàbɔ̀ŋ, nyɨ̀Ꞌta awa mènəè ba fà̧à̧tè la, mè ŋà àwa nkɨ̀atsə ndɨ bàa tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

2 Pità 1:5

Ndɨ̀ wu Mbɔ̧ɔ̧mà ghɨ̀ mènəè ma ègème ane yɨ̧ tè bɨ me kweele ane mèntɨ̧ɨ̧ mɨ̧ mu bɨ zi ane tò la, bɨ̀ paa me nyɔ̀Ꞌta ngɨ̀à mènəè ntsɔ̧̀ nàa mbɔ̀ a Mbɔ̧ɔ̧mà la, mè ndzì mèntɨ̧ɨ̧ mɨ̧ nko a Mbɔ̧ɔ̧mà ngà nè mbì.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

2 Jɔ̌n 1:9

Bɨ̀ ko nê, waa waa tàa ka ghɨ mbɨꞋɨ̀ èngǎ̧ Yesò Klistò e shu la, me làꞋa nkwèꞋnà àghɨ la, bakà ko a Mbɔ̧ɔ̧mà. Waa waa tàa ngɨ̀à mbɨ̀Ꞌɨ̀ èngǎ̧ mbɔŋ e shu la, è koê a Tǎt wa Mbɔ̧ɔ̧mà bɔ̂ Waã vi.