1 Kɔlìn 14:37 - Mundani

³⁷ Wòt me shu nê ye wu ndàꞋàtɔŋ Mbɔ̧ɔ̧mà, kò shua nê Fo Mbɔ̧ɔ̧mà ŋa avi àghɨa ko leꞋ, tà zì àyaa àtsəa zi nê, èghɨ mâ shɨ la wu mbɨ̧te Lefɨ̀Ꞌ.

1 Kɔlìn 14:37 ပူးပေါင်းရင်းမြစ်များ

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

1 Kɔlìn 14:29

BèndàꞋàtɔŋ Mbɔ̧ɔ̧mà babe kò batat leꞋ, è laꞋa, èbeko nè bòt è baŋa ànəa mbɔŋ bɔ làꞋà la ndze.

1 Kɔlìn 14:36

Bɨ tu̧a ànəa mâ shu la, bɨ̀ ko nê èngǎ̧ Mbɔ̧ɔ̧mà e li è ka dzə abua yɨ̧, è ka mê ndìà wuê abua yɨ̧.

1 Kɔlìn 14:38

Wòt tû̧ e ghɨ̌ ànəê yaa mâ shu la, bɨ̀ ka nɨ atò mbɨ̀Ꞌɨ̀ àghɨa ko mɨ̧̂.

1 Kɔlìn 2:15

Wòt tà bɔ Fo Mbɔ̧ɔ̧mà la nàà mbàŋà mènəè ègème, ka wɔ̀bȩ̂ kà wuê tàa bàŋa tò la.

1 Kɔlìn 3:1

Bɔnyɨ bɔ̧, e ndi ngu ba nɨ̧̀ ba ale, è nka laꞋa abua yɨ̧ mbɨ̀Ꞌɨ̀ bòt bɔ ko mènəè Mbɔ̧ɔ̧mà ntsɔ̧̀ la. E ndi ndàꞋ abua yɨ̧ mbɨ̀Ꞌɨ̀ e ndàꞋa abua bòt ngɔ̀ŋ, mè ndàꞋ mbɨ̀Ꞌɨ̀ e ndaꞋa abua bɔtechɨɨle ane mènəè Yesò Klistò.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

1 Kɔlìn 7:40

A batè ngu ale ka ndɨ màa ndzea la wu nê, naa wu ànəa ntsɔ̧̀ abua tò taa tseke ka yɔꞋ, mbɔ̂ mâ mɨɨtè nê, Fo Mbɔ̧ɔ̧mà naa ane yaã.

1 Kɔlìn 8:2

Wòt mɨ̀ɨ̀tà nê ye ko àghɨ, ko tà bakà ko mbɨ̀Ꞌɨ̀ tà wuê ko la.

2 Kɔlìn 10:12

BetsiꞋa bà ka me kɨ efɨ̀Ꞌnè àwa nè bòt bu ayɔɔ yɨ̧ bɔ̀ɔ shua nê bɔ ghe la. Bɔɔ̀ fɨ̀Ꞌnà wɔb nè bɔnyɨ bɔb nkɨ eye bòt bɔ tsè beko la. Àyaa a wua nyɨ̀Ꞌta nê bɔ bakà bɔ èyì.

2 Kɔlìn 10:7

Bɨ̀ lɨ̀ŋkè èghɨ àa a mbì lɨ̧ la. Wòt me ye avi zìambɔŋ mɨ̀ɨ̀tà nê ye wu wòt Yesò Klistò, ta mè nkwàꞋtè, ko taa ye nê bàambɔŋ ba wu bòt Yesò Klistò mɨ̧̂ mbɨ̀Ꞌɨ̀ tòà.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

Gàlashìà 6:8

Aa ale nkàà nê, wòt me ghɨ̀ àghɨa mbɨ̧̀ ènyit tò nàa nkɨà la, ko àbȩ̀ atò naa li wu èvə, è me wu wòt wu tàa ngɨ̀à àghɨa Fo Mbɔ̧ɔ̧mà nàa nkɨà la, àbȩ̀ atò wu mèmpème kàlìà.

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.

1 Jɔ̌n 4:6

È me wu awa, ko ba wu bòt Mbɔ̧ɔ̧mà. Waa waa tà ko a Mbɔ̧ɔ̧mà la nàà ndzəa awa, waa waa kà wu wòt Mbɔ̧ɔ̧mà kà wua ndzəa awa. Eyaa wu àghɨa àa ghɨ̌ ka baa ko fo yu ndàꞋà nkûŋ la, nè èye ndàꞋà àfɨte la.

Jûd 1:17

Bèshu̧ bɔ̧, bɨ̀ ku̧u̧te mènəè bɔntu̧ Yesò Klistò Lefɨ̀Ꞌ wa e li shu nê naa li ghɨ̀ la.