1 Kɔlìn 14:3 - Mundani

³ Ane àbâ ko, wòt wu tàa ndaꞋa ane àtɔŋ Mbɔ̧ɔ̧mà la laꞋa abua bɔbȩ, ntɨ̀ŋa bɔnyɨ bɔb ngɨ̀à mèntɨ̧ɨ̧ mɔb kweelà, mè ndzìà mèntɨ̧ɨ̧ mɔb.

1 Kɔlìn 14:3 ပူးပေါင်းရင်းမြစ်များ

Lûk 3:18

Ale, Jɔ̌n tsɔ̀tè Ntu̧ Ntsɔ̧̀ yu ane tèkɔttsə nyaŋ abua bɔbȩ, ŋwètè àwɔb nê bɔ̀ kubte mènəè kàbɔ̀ŋ mɔb.

ÀfaꞋa 13:15

Bɔ̀ tɔ mbɨ̧te Musì, nè àkata bèndàꞋàtɔŋ Mbɔ̧ɔ̧mà, bòt àtsəa lob Mbɔ̧ɔ̧mà Bèjuê e tsàà ntu̧ abua yɔb nê, “Bɔnyɨ ba baa nkɨà nê bɨ̀ làꞋa èngà̧ abua bòt baa, na bɨ bɔ èngà̧ e kɨɨte awɔb la.”

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

ÀfaꞋa 15:32

Judàs bɔ̂ Sȩlàs wu bɔ̀ le wu bèndàꞋàtɔŋ Mbɔ̧ɔ̧mà bɔ̀ɔ mbɔŋ la e li ntàꞋa làꞋà mèngǎ̧ nɨŋ nkààtè bɔnyɨ ba bu.

ÀfaꞋa 4:36

Eyaa wu ndɨ Jòsêb wu tà li ngu wòt àndǎ̧ Levì bɔ bi atò àlaꞋ a Sȩplùs la, li ngɨ̀ la. Bɔntu̧ Yesò e li ngua ntɔ atò nê Bànabasì (ngua shua nê, “Wòt tàa ndzìà èntɨ̧ɨ̧ bɔnyɨ bi la”).

ÀfaꞋa 9:31

Eyaa wu ndɨ a li tsè ka chɔsì wu a èlaꞋ a Jùdià, bɔ̂ Galìlî, nè Sàmalìà la e nyaꞋa ntsèke ntsɔ̧̀ la. Bɔ̀ li nkwèèlê, nkwèꞋnê ntàꞋa yaãaã, mbɨ̀Ꞌɨ̀ bɔ li ngua ntsèkâ ntsàꞋta a Tè Yesò la. A li ngu a èlɨ̀ waa nkàà nê Fo Kèfə li ngu ane yɔb.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

1 Kɔlìn 10:23

Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la.

1 Kɔlìn 14:12

Ndɨ̀ wu bɨ̀a nùà nkɨ bɔ èghɨ Fo Mbɔ̧ɔ̧mà nàa ŋǎ la, bɨ̀ nyɔ̀Ꞌte a mbì àghɨ àgème ndze nê bɨ ghɨ̀ bu àa me tɨŋa ndɔ̀ktà mèntɨ̧ɨ̧ bòt chɔsì la.

1 Kɔlìn 14:17

A teko, à wua ntsàꞋta Mbɔ̧ɔ̧mà nkɔ̀ŋkà tò ntsɔ̧̀, ka à ka bê ntɨ̀ŋe wekǒ nè wòt ane àghɨa ko.

1 Kɔlìn 14:26

Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

1 Kɔlìn 14:31

Bɨ̀agème e làꞋà ànəa bɨ zə abua Mbɔ̧ɔ̧mà la wemɔ̀Ꞌ wemɔ̀Ꞌ, mbɨ̀Ꞌɨ̀ waa waa naa bɔ èyì, aa mě zǐ èntɨ̧ɨ̧ waa waa.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

2 Kɔlìn 1:4

Tàà ndzìà mèntɨ̧ɨ̧ ma àfɨ̀Ꞌ àgème bà ndzea ngoꞋ la, mbɨ̀Ꞌɨ̀ bàambɔŋ aa me koa nɨa mèntɨ̧ɨ̧ kèfi màa Mbɔ̧ɔ̧mà ŋa abua ya la ndzìà mèntɨ̧ɨ̧ bòt bu ngoꞋ kwene ane yɔb la mɨ̧̂.

2 Kɔlìn 2:7

È wu ale, bɨ̀ tsiꞋi me kɨ ndɨ bɨ̀a waꞋa a kàbɔ̀ŋ tò ezǐ èntɨ̧ɨ̧ tò mbɨ̀Ꞌɨ̀ a saa tò nyaŋ tà màꞋà ànəê àgème a si la.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Efesɔ̀s 6:22

Eyaa wu lə è ngua ntsaa tò abua yɨ̧ la, mbɨ̀Ꞌɨ̀ taa ghɨ̌ bɨa ko ndɨ bàa la, e ghɨ̌ àyea mbɔŋ aa zì mèntɨ̧ɨ̧ mɨ̧.

Kɔ̀losìà 4:8

Lə e ntsaa tò abua yɨ̧ la wu nê, tà kɨꞋɨ ndzì mèntɨ̧ɨ̧ mɨ̧, mè ngɨ̀ bɨ̀ ko àghɨa àa ngɨa ane ya la.

1 Tèsàlonikà 2:11

Bɨ ko nê, ba li ngua mbà̧aã waa waa ane yɨ̧ wuê mbɨ̀Ꞌɨ̀ tǎt nàa mbà̧aã bɔ̧ bi la.

1 Tèsàlonikà 2:3

Ba li me nyɔ̀Ꞌta nkɨà bòt aa bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà ale, mèfà̧ kà wu adù̧, bà ka bɔ mèmɨ̀ɨ̀te kàbɔ̀ŋ, bà ka mê ngua fìbla wòt kǒ.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Tèsàlonikà 4:18

Mbɨ̀Ꞌɨ̀ àa anè la, bɨ̀ nɨ mèngà̧ maa nɨŋ ndzì èntɨ̧ɨ̧ waa waa.

2 Tèsàlonikà 3:12

Ba wua shua mè ŋwèèlà bòt baa ane àtɔŋ yu Yesò Klistò Lefɨ̀Ꞌ ŋa abua ya la nê, bɔ bɔɔle awɔb me fàꞋa mbɨ̀Ꞌɨ̀ ebɔ ètsəèjɨ wɔb.

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

1 Tɔ̀màtià 4:13

E bùꞋu àfɨ̀Ꞌ yaa e ghǎ wu àfɨꞋa màa kɨꞋɨ la, bɨ̀ me tseka ntɔ Àkata Mbɔ̧ɔ̧mà adzìꞋ àgème bòt e bù̧ù̧te la, mè ndàꞋà nyɨ̀Ꞌta èngǎ̧ Mbɔ̧ɔ̧mà.

1 Tɔ̀màtià 6:2

ÈbùꞋ bu bètǎt bɔb è wu bòt Yesò la, è ka ngà a mbɔ ndɨ bɔ̀ tsiꞋi mbɨ̀Ꞌɨ̀ bɔnyɨ bɔb la me ghɨ àtsə àkekweelè abua bèŋût. Bɔ bɔ ndɨ bɔɔ me zə bètǎt bɔb bu tè ntsèà ale la, nkàà nê bòt bɔ̀ɔ njɨ̀a àbȩ̀ àfàꞋ yɔb la wu bòt bu bɔ̂ tò ba e zi èntɨ̧ɨ̧ wɔb ane Yesò me kɔ̀ŋkè awɔb la. À bɔ ndɨ àa nyɨꞋte mènəè maa e kɨɨte bòt bɔɔ me ghɨ la.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 1:9

Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Tȩtɔ̀s 2:15

NyɨꞋte mènəè maa abua bòt. Nɨ nkȩ yê me zì mèntɨ̧ɨ̧ bòt mè nyɨꞋte bòt mènəè bɔ fà̧à̧tè la. Ko mbɨ̀Ꞌɨ̀ à sàŋ wòt kǒ tà me waa awê.

Tȩtɔ̀s 2:6

Shu abua mbà̧te techɨɨle mɨ̧̂ nê, bɔ̀ me baãaã mèntɨ̧ɨ̧ mɔb ka ngɨ̀à mènəè.

Tȩtɔ̀s 2:9

È me wu èbùꞋ, ko shu abua yɔb nê bɔ̀ me zə bètǎt bɔb, mè ngɨ̀à mènəè nàa bɔ̀ awɔb la ane mènəè ègème. Bɔ̀ ka mvəèəè ànəê a ètsəê bètǎt bɔb,

Ebùlù 10:25

Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.