အွန်လိုင်း သမ္မာကျမ်းစာ

« အရင်

နောက်တစ်ခု »

1 Kɔlìn 14:26 - Mundani

²⁶ Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Kɔlìn 14:26
18 ပူးပေါင်းရင်းမြစ်များ

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

အခန်းကိုကြည့်ပါ။

Lûm 12:7

È wu a màfaꞋa abua bòt ko, tà fàꞋ, è wu mànyɨꞋta, tà nyɨ̀Ꞌtê.

အခန်းကိုကြည့်ပါ။

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

အခန်းကိုကြည့်ပါ။

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

အခန်းကိုကြည့်ပါ။

1 Kɔlìn 14:15

A wu ale ko màa ghɨ̀ na à? Ko maa tsàꞋta Mbɔ̧ɔ̧mà ane fo yaã, e mě me tsàꞋta nkoa ànəa e shu la, ko maa kɔ̧ e tsàꞋte a Mbɔ̧ɔ̧mà ane fo yaã, e mě kɔ̧ ànəa mâ ko la.

အခန်းကိုကြည့်ပါ။

1 Kɔlìn 14:2

Wòt tàa ndaꞋa ane ndɨ̧ kà bòt e koê la, ka laꞋa abua bɔbȩ, tà laꞋa abua Mbɔ̧ɔ̧mà nkàà nê, wòt kǒ tàa ndzəa ànəa tà shua la ntsě. Tà wua ndàꞋà mènəè ane mètàŋ Fo Mbɔ̧ɔ̧mà è wù mènəè ndò̧ ègème la.

အခန်းကိုကြည့်ပါ။

1 Kɔlìn 14:27

Wòt me kɨ làꞋa ndɨ̧ tsǎ, bɨ ye nê wu wuê bòt babe kò batat leꞋ bɔ làꞋà la, mbɔ̂ ndàꞋ wemɔ̀Ꞌ wemɔ̀Ꞌ. Bɔ laꞋa, wòt wemɔ̀Ꞌ è ghaꞋtè ànəa bɔ làꞋà la shuê.

အခန်းကိုကြည့်ပါ။

1 Kɔlìn 14:40

Bɨ̀ me ghɨ̀ mènəè ègème ane ndɨ àa mbɔ̀ la, nè ndɨ è kùꞋù la.

အခန်းကိုကြည့်ပါ။

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

အခန်းကိုကြည့်ပါ။

2 Kɔlìn 13:10

E ngua shɨa letà waa àfɨ̀Ꞌ yaa mbɨ̀Ꞌɨ̀ è nkɨ̀Ꞌɨ̂ è kwene ane yɨ̧, è nka tsi nɨ̀ àtɔŋ yu Yesò Klistò ŋa abua am la enɨ ŋȩ awɨ̧. Tà li ŋà àtɔŋ yàà nê è nɨŋ ngɨ̀ mèntɨ̧ɨ̧ mɨ̧ me kweele ane mènəè mi. Tà li tà kà ŋa nê è nɨŋ ntsòkè àwɨ̧.

အခန်းကိုကြည့်ပါ။

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

အခန်းကိုကြည့်ပါ။

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

အခန်းကိုကြည့်ပါ။

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

အခန်းကိုကြည့်ပါ။

Efesɔ̀s 5:19

Bɨa me làꞋa abua bɔnyɨ bɨ̧, bɨ me kɔ̧ɔ̧ mètsəkû̧ è dzə a èbem Àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà zi a mèntɨ̧ɨ̧ mɨ̧ la. Bɨa me kɔ̧ɔ̧ bɨ me kɔ̧ɔ̧ ne èntɨ̧ɨ̧ wɨ̧ ègème, ŋǎ mèngùꞋte abua Yesò Klistò.

အခန်းကိုကြည့်ပါ။

1 Tèsàlonikà 5:11

È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ