1 Kɔlìn 14:25 - Mundani

²⁵ e ghɨ̌ bɔɔ ko ènəê ndò̧ tò bu a èntɨ̧ɨ̧ tò la. Àyaa aa ghɨ̌ taa ŋɔꞋne a si e wùꞋte a Mbɔ̧ɔ̧mà, e shu laꞋnê ane nkûŋ Mbɔ̧ɔ̧mà wu ayɔɔ yɨ̧.

1 Kɔlìn 14:25 ပူးပေါင်းရင်းမြစ်များ

Lûk 17:16

Nkɨ̀Ꞌɨ̂, ntèmè tènjûŋ ti a si a mbì Yesò, me ŋa atò mènkɔ̀ŋke. Ŋut bɔ̂ ngu wòt Sàmalìà.

Lûk 5:8

Simùn wu èlen tò ko wu Pità la ye àghɨa a ghɨ̀ la, kwen a si a mbì Yesò nê, “Tê, e mbakà kùꞋu wòt màa wu ne nè la, e ngu wòt kàbɔ̀ŋ.”

Lûk 8:28

Mbɨ̀Ꞌɨ̀ tà ye a Yesò la, tà ŋȩ ane àtɔŋ ànɨ̧, nkwen a si a mbì tò mbììte atò ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Mâ shu̧u̧te awê nê à ka ngɨ̧̀ɨ̧̀nè am.”

Jɔ̌n 4:19

Àvi mbɔŋ shuê abua tò nê “Tê, mâ ye nê à wu ndàꞋàtɔŋ Mbɔ̧ɔ̧mà.

ÀfaꞋa 4:13

Bòt èsaꞋa bu e ye ndɨ Pità bɔ̂ Jɔ̌n e làꞋà kà bɔ̀â la, ànəa ngaa a bê ntsè àwɔb. A ghɨ̀ ale, mè ntsè àwɔb ezə nê Pità bɔ̂ Jɔ̌n wu bòt kànəè, kà lèm ndi me ghǎ àkatè. AfɨꞋa mbɔŋ bɔ ko nê Pità bɔ̂ Jɔ̌n e li ngua ngȩ̀ȩ̀nà bɔ̂ Yesò ba.

Ètsə 19:4

Bɔɔjuŋ bu èghem yebe ntsɔ̀b bakwì la, nè èghɨ bu bekwì è wu yu̧ la è bɔte a si ngùꞋtè a Mbɔ̧ɔ̧mà wu tà tseke a ègwet àtɨ̧a kèfɔ̧̀ yu la. Bɔ bɔ̀te ale me shu nê: “Àmèn, Alèluyà!”

Ètsə 5:8

Mbɨ̀Ꞌɨ̀ tà ghà tê nɨ àkatè yu la, èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, bɔ bɔ̀tè a si a mbì Wanjɨ̀ wu. Wòt ègème ane yɔb bèà àkalàku, nè èpfəèꞋ ko bɔ ghɨ̀ ane goêl la. Mèwet ko li ngu a èbem èpfəèꞋ lu nàa nəꞋa mbɔ̀, è wu àtsaꞋta bòt Mbɔ̧ɔ̧mà la.