1 Kɔlìn 14:2 - Mundani

² Wòt tàa ndaꞋa ane ndɨ̧ kà bòt e koê la, ka laꞋa abua bɔbȩ, tà laꞋa abua Mbɔ̧ɔ̧mà nkàà nê, wòt kǒ tàa ndzəa ànəa tà shua la ntsě. Tà wua ndàꞋà mènəè ane mètàŋ Fo Mbɔ̧ɔ̧mà è wù mènəè ndò̧ ègème la.

1 Kɔlìn 14:2 ပူးပေါင်းရင်းမြစ်များ

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Ntu̧ Ntsɔ̧̀ MAK 16:17

Bòt bu bɔ bɨ̧ɨ̧ne la aa bɔ èlȩê baa: Bɔɔ nga me enɨ èlen laã fəèà fote kàbɔ̀ŋ, mè ndàꞋà èwuu ndɨ̧te ko tsa tsa.

Ntu̧ Ntsɔ̧̀ MAK 4:11

Yesò bɨ̀ɨ̀lè nê “Bɔ tuꞋu ànəa ndò̧ Kèfɔ̧̀ Mbɔ̧ɔ̧mà abua yɨ̧, ka è wu bòt kà zi mèntɨ̧ɨ̧ mɔb ane yaã ko bɔɔ̀ ndzəèa mènəè ègème ane mèngà̧teme,

ÀfaꞋa 10:46

Ngu ndɨ bɔ zə bɔ me làꞋà ane èwuu ndɨ̧te ko tsa nɨa ngùꞋtà ènɨ̧ Mbɔ̧ɔ̧mà la. Pità shu nê,

ÀfaꞋa 19:6

Pɔ̂l mè nɔ̀ŋè èbu bi a ètsə bɔb, Fo Kèfə kɨꞋɨ adù̧ yɔb tè bɔ tsiꞋa ndaꞋa ane èwuu ndɨ̧te ko tsa, mè ndàꞋà mèngǎ̧ ane àtɔŋ Mbɔ̧ɔ̧mà.

ÀfaꞋa 22:9

Bòt bu bɔ li ngua ngȩ̀ȩ̀nà ba tò ba la e ye èkaꞋà wu, ka bɔ̀ ka zə àtɔŋ wòt wu ndaꞋa abua am la.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

1 Kɔlìn 12:10

Fo mbɔŋ nàà ngɨ̀à wòt kǒ bɔ mètàŋ a màngɨa ngɨŋa ènəê, ngɨ̀à wekǒ làꞋà àtɔŋ Mbɔ̧ɔ̧mà, mè ngɨ̀à wekǒ nè wòt koa èghɨ e dzə abua Fo Mbɔ̧ɔ̧mà la, nè èbe kà dzə abua Fo mbɔŋ. Tàa ngɨ̀ tà gha abua wòt kǒ, tà ŋǎ tò mètàŋ a màndaꞋa ane ndɨ̧tsə tsa tsa, mè ŋǎ wekǒ mètàŋ a màngaꞋta mènəè maa bɔ làꞋa ane ndɨ̧ tàa tsa tsa la è shuà.

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 14:16

À me tsàꞋta Mbɔ̧ɔ̧mà nkɔ̀ŋkà tò wuê ane fo yùà yùà, ko wòt kànəè tà kɨꞋɨ a èbem àbù̧ù̧tà yɨ̧ la nàa ghɨ̀ na te ko shu nê “Àmèn” adù̧ kà lem nko ànəa à shua la à?

1 Kɔlìn 14:26

Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

1 Kɔlìn 15:51

Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

1 Kɔlìn 2:10

Mbɔ̧ɔ̧mà nɨ Fo zi ngɨ̀ ba ko ànəa ndò̧ atò yaa. Fo Mbɔ̧ɔ̧mà nàà nkoa àghɨ àgème fɔɔle ka wuê mènəè Mbɔ̧ɔ̧mà mu è lò̧ò̧tè la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 3:9

Bɔ bɔ̂ ndɨ bɔ̀ɔ wu bòt bɔ neetè mbà̧aã èngà̧ wu Mbɔ̧ɔ̧mà è nyɨꞋte abua ya ka ba ko atò la, nè èntɨ̧ɨ̧ kà wua fèèlè àwɔb la.

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”