1 Kɔlìn 13:4 - Mundani

⁴ Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet.

1 Kɔlìn 13:4 ပူးပေါင်းရင်းမြစ်များ

Matìù 27:18

Tàà mbììta ale ngu ndɨ tà ko nê bɔɔjuŋ e nɨa ghòꞋnà ka mbà̧aã Yesò nkɨ̀Ꞌɨ̂ ndzì a tèkitebu ti la.

ÀfaꞋa 7:9

“Bètǎt nyaꞋ ba mbɔŋ e li ngua ngòꞋnà wanyɨ wɔb Jòsêb, tè fɨ̧ɨ̧ne atò nê tà ghǎ ngu àbùꞋ àlaꞋ a Ejìb. Ka Mbɔ̧ɔ̧mà bɔ ngu nè tò,

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

1 Kɔlìn 4:18

ÀbəèꞋ àyɨ̧ aa ŋèꞋa tèkwȩ tɔb a ègwet mɨ̀ɨ̀tà nê è nka kɨꞋɨ e ye awɨ̧ a.

1 Kɔlìn 4:6

Bɔnyɨ bɔ̧, mâ fɨ̀Ꞌnè mènəè maa ane ya ba Àpolòs, mbɨ̀Ꞌɨ̀ bɨa ye ane ya lə ànəa èngǎ̧ Mbɔ̧ɔ̧mà àa shua la, “Bɨ̀ ghɨa mbɨ̀Ꞌɨ̀ mbɨ̧ shuà la.” Wòt ka me ŋeꞋe tèkwȩ ti a ègwet ane èlen wòt ngwaa wekǒ.

1 Kɔlìn 5:2

Bɨ bɔ̂ me ŋeꞋe tèkwȩ a ègwet nê bɨ wu bòt Mbɔ̧ɔ̧mà, è bɔ̂ ngu àghɨa bɨ wuê tseke ane tèsȩ me shùù mèsi la. Bɨ̀ tsǐ wòt tà ghɨ̀ èwuu ànəê yaa la ayɔɔ yɨ̧.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

Gàlashìà 5:26

Bà ka me ŋeꞋe tèkwȩ ta a ègwet è shua nê baa wu àghɨa kà wu yùà, ngwȩ̀ȩ̀tà bɔnyɨ ba, mè ngòꞋnà èghɨ bɔnyɨ ba nkɨà nê è wu tsiꞋi eba.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Filìpȩ 1:15

Wu nkûŋ nê, bòt ko ane yɔb aà ntsɔ̀tà Ntu̧ Ntsɔ̧̀ Yesò Klistò nè ghòꞋnà nùà nkɨ enɨ àdziꞋa am ka bòt ko e bɔ̂ nguê bɔ̀ɔ ntsɔ̀tà ntu̧ yu nè èntɨ̧ɨ̧ kèfə,

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

1 Tɔ̀màtià 6:4

ŋut wua ŋèꞋa avi a ègwet, ntanda nê ye ko àghɨ ako ale, ka àghɨ à ka wu àtsə atò. ÀfàꞋ atò a kùꞋu ndɨ tàa me ghɨ̧̀ɨ̧̀na ndzɔ̀ mè nkàànà mèngà̧ la. Àyaa aà ndìꞋa ghòꞋnà, nè àyɔ̀ŋ, bɔ̂ tèntsɔ̧̀ɔ̧̀mètsə, mè ngɨ̀à bòt e mɨ̀ɨ̀tà kàbɔ̀ŋ adù̧ bɔnyɨ bɔb.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Jimsì 4:5

Kò bɨ mɨɨtè nê Àkata Mbɔ̧ɔ̧mà a làꞋà mèfà̧ à? A laꞋ nê “Fo yu Mbɔ̧ɔ̧mà zi a mèntɨ̧ɨ̧ ma la nàà kà bê nkɨ laꞋ nê àghɨa ko tsa à nyi a mèntɨ̧ɨ̧ ma.”

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

2 Pità 1:7

mbà̧à̧ta bɔnyɨ bɨ̧ nè èkɔŋ, mè me kɔ̀ŋkè bòt bàgème.

1 Jɔ̌n 4:11

Ngule bèshu̧ bɔ̧, ndɨ̀ wu Mbɔ̧ɔ̧mà li ntaꞋa nkɔ̀ŋkè àwa anè la, bà me kɔ̀ŋkè bɔnyɨ ba mɨ̧̂.