1 Kɔlìn 13:2 - Mundani

² E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 13:2 ပူးပေါင်းရင်းမြစ်များ

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 17:20

Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Matìù 21:19

Tà ye àyɨt a fik a ngèt alu̧, nga a mbɨ̧̀ tà kà ye àghɨ a ègwet, tà ye wuê tèfəꞋtsə. Ale, tà tsɔ̧̀ àyɨt ngaa nê “À ka lɔ̀Ꞌ àlia tsi kɔɔle tetaãtsə a.” A bê ntɨ̧ kwàꞋ àfɨꞋa mbɔŋ mpfə.

Matìù 21:21

Yesò bɨ̀ɨ̀lè nê “Ane nkûŋ, tsiꞋ è shu awɨ̧ nê bɨ zìà èntɨ̧ɨ̧ wɨ̧ ane Mbɔ̧ɔ̧mà tè mbakà wua màkà, ko betsiꞋa bɨ ghɨ̀ àghɨa mâ ghɨ ane àyɨt a fik yaa la. È ntsě wuê ndàꞋà yùà, bɨ màà shu wuê abua èbȩ la nê ‘ŊeꞋe awê ndebe a èbem *èdzî,’ ko aa ŋeꞋe avi.

ÀfaꞋa 13:1

BèndàꞋàtɔŋ nè bènyɨꞋtà èngǎ̧ Mbɔ̧ɔ̧mà e li ngu ayɔɔ bòt chɔsì bu àpfəèà nɨ̧ yu è wu Antìɔ̀k la. Bòt ngaa li ngu Bànabasì, nè Simiòn (wu bɔ̀ le wua ntɔ̀ atò nê wòt kèfen la), nè Lusiɔ̀s (wu tà lè dzəa àpfəè yu è wu Silenè la), nè Manèn (wu tà li ntsə àpfəa fɔ̧̀ Elɔ̀d la), nè Sɔ̂l.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

1 Kɔlìn 11:4

Mbâ̧ tà kabte àtsəa zi ka me tsàꞋta Mbɔ̧ɔ̧mà, kò shua ànəa Mbɔ̧ɔ̧mà laꞋnê tà shu bòt la leꞋ, wua ndòa èku Yesò Klistò wu tà wu àtsəa tò la.

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.

1 Kɔlìn 13:3

E màà ŋǎ wuê èghɨ mâ bɔ la abua bòt, tè ŋa fɔ̀ɔ̀le mbɨ̧̀ ènyit yaã nê bɔ̀ to̧a, ka mbakà wua nkɔ̀ŋkà bòt, ko àbȩ̀ ko màa bɔ la a ntsě.

1 Kɔlìn 13:8

Èkɔŋ aa kà lìà, è me wu màndaꞋa ane àtɔŋ Mbɔ̧ɔ̧mà ko aa li tsě. È me wu nè màndaꞋa ndɨ̧tsə tsa tsa ko tea li mǐ. È me wua mànkoa e ghaꞋte mènəè Mbɔ̧ɔ̧mà, kǒ nàa li tsě.

1 Kɔlìn 14:29

BèndàꞋàtɔŋ Mbɔ̧ɔ̧mà babe kò batat leꞋ, è laꞋa, èbeko nè bòt è baŋa ànəa mbɔŋ bɔ làꞋà la ndze.

1 Kɔlìn 14:39

È wu ale, à bɔnyɨ bɔ̧, bɨ̀ la ndzì èntɨ̧ɨ̧ me làꞋà àtɔŋ Mbɔ̧ɔ̧mà, mbɔ̂ bɨ̀ ka nkèle bòt Mbɔ̧ɔ̧mà nê bɔ̂ ka ndàꞋà ndɨ̧tsə tsa tsa.

1 Kɔlìn 14:4

Wòt tàa ndàꞋà ndɨ̧ tsǎ la, wua ndɔ̀ktà èntɨ̧ɨ̧ vi zìambɔŋ, ka wòt tàa ndàꞋà ane àtɔŋ Mbɔ̧ɔ̧mà la, wua ndɔ̀ktà mèntɨ̧ɨ̧ bòt chɔsì bàgème.

1 Kɔlìn 15:51

Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Kɔlìn 7:19

Kò bɔ naŋe wòt kò bɔ bakà nàŋe leꞋ, ko à yu ntsě ànəa ko. Àyea è wu ànəê la wu mànɔŋe mbɨ̧te Mbɔ̧ɔ̧mà.

1 Kɔlìn 8:4

Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”

2 Kɔlìn 12:11

Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

Efesɔ̀s 3:4

Bɨ tɔ àghɨa mâ shɨ la ko bɨa ye ndɨ mâ ko ànəa ndò̧ a Mbɔ̧ɔ̧mà yaa ane Yesò Klistò la.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Kɔ̀losìà 1:26

Ntu̧ mbɔŋ wu ànəa ndò̧ yu tà li ndò̧ abua bòt bàgème ebùꞋù tê a mèngùꞋu mbì la. Ka àfɨ̀Ꞌ yaa, tà tùꞋu yùà abua bòt bi.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Jɔ̌n 4:8

Wòt ègème tàa ka kɔ̀ŋkè bɔnyɨ bi la bakà ko a Mbɔ̧ɔ̧mà, nkàà nê Mbɔ̧ɔ̧mà wu èkɔŋ.