1 Kɔlìn 13:12 - Mundani

¹² Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.

1 Kɔlìn 13:12 ပူးပေါင်းရင်းမြစ်များ

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 5:8

Ntsɔ̧̀ wu bòt mèntɨ̧ɨ̧ kèfə e mbì Mbɔ̧ɔ̧mà, bèŋût aa li ye a Mbɔ̧ɔ̧mà.

Jɔ̌n 10:15

wuê mbɨ̀Ꞌɨ̀ mâ ko a Tǎt am Mbɔ̧ɔ̧mà, tà mè nkǒ am la. Ale, mâ bɨ̧ɨ̧ne eŋa àtsə am ane njɨ̀ taã.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

1 Kɔlìn 13:11

È li ngu àfɨꞋa è ngu watèchɨɨle la, e me làꞋa, nkwàꞋtà mè ndzea mènəè wuê mbɨ̀Ꞌɨ̀ watèchɨɨle, è wu àfɨꞋa mâ tsə tê ntsìꞋi mbâ̧ la, è nka tsi ngua ngɨ̀à mènəè mbɨ̀Ꞌɨ̀ watèchɨɨle.

1 Kɔlìn 8:3

Ka wòt nàa me kɔ̀ŋka Mbɔ̧ɔ̧mà, Mbɔ̧ɔ̧mà ko a ŋut.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 5:7

Ba tseka nkàà mèntɨ̧ɨ̧ ma mu baa zi ane Mbɔ̧ɔ̧mà la, è ntsě ane èghɨ bàa ndzea la.

Filìpȩ 3:12

BetsiꞋa è nka shu nê mâ ghɨ àghɨa mâ bɔ ndɨ màa ghɨ̀ la tè ndɔ̀Ꞌ, è nka meè ngu eshu nê mâ kùꞋù àghɨa mâ bɔ ndɨ màa wu yùà la. Ka, maa ndùùlà ngà nè mbì mbɨ̀Ꞌɨ̀ ebɔ èghɨ bàa mâ nɔ̀ŋè èghɨ laã adù̧ la, è wù àghɨa a li ngɨ̀ ka Yesò Klistò zìambɔŋ tɔ am ane wòt vi la.

Jimsì 1:23

Wòt wu wòt tàa ndzəa èngǎ̧ Mbɔ̧ɔ̧mà tà kà wua ngɨ̀à àghɨa e shua la, tà ko nê ye wu mbɨ̀Ꞌɨ̀ wòt tàa ndȩ̀à èsi vi a èbem àlùgɨ̀lâ la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Ètsə 22:4

Bɔɔ li e ye èsi Mbɔ̧ɔ̧mà, èlen tò e mè ngu wu a mèsi mɔb.