1 Kɔlìn 12:9 - Mundani

⁹ Fo yu mè ngɨ̀ wekǒ lâ mbɨ̧̀ɨ̧̀ne a Mbɔ̧ɔ̧mà ntsɔ̧̀, mè ngɨ̀ wekǒ nè wòt bɔ mètàŋ a màmbəa èghɔ̧.

1 Kɔlìn 12:9 ပူးပေါင်းရင်းမြစ်များ

Matìù 10:8

Bɨ̀ bə bòt èghɔ̧, njù̧ù̧me bòt bɔ pfəꞋte la, ngɨ̀ bòt èghɔ̧atsɔꞋɔ è pem, mè fəè fote kàbɔ̀ŋ ane bòt. Bɨ li mbɔ̀ ka yu̧, è wu ale, bɨ̀ mè ŋa abua bòt kà bɔ yu̧ mɨ̧̂.

Matìù 21:21

Yesò bɨ̀ɨ̀lè nê “Ane nkûŋ, tsiꞋ è shu awɨ̧ nê bɨ zìà èntɨ̧ɨ̧ wɨ̧ ane Mbɔ̧ɔ̧mà tè mbakà wua màkà, ko betsiꞋa bɨ ghɨ̀ àghɨa mâ ghɨ ane àyɨt a fik yaa la. È ntsě wuê ndàꞋà yùà, bɨ màà shu wuê abua èbȩ la nê ‘ŊeꞋe awê ndebe a èbem *èdzî,’ ko aa ŋeꞋe avi.

Ntu̧ Ntsɔ̧̀ MAK 16:18

Wòt ane yɔb baãaã wuê nyà̧kàbɔ̀ŋ kò nù wuê èghɨbə kàbɔ̀ŋ leꞋ, àghɨ à ka ghɨa tò. Wòt bɨ̧̀ɨ̧̀ne èngǎ̧ am, nɔ̀ŋè èbu bi adù̧ wòt tàa ngò̧ò̧nà la, ko ŋut naa peme.”

Ntu̧ Ntsɔ̧̀ MAK 6:13

Bɔ li ntaꞋa fə fote kàbɔ̀ŋ ane bòt, mè ndzɔ̀Ꞌɔ mèwet ane èbeko ngò̧ò̧nà la mbɔ̂ mbəè àwɔb.

Lûk 10:9

mbəâ bòt àghɔ̧ àpfəè və, è shu abua bòt nê, ‘Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧’.

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 5:15

Bɔntu̧ Yesò bu e li ngɨ̀ tèwuute ènəê kà ye fɨ̀Ꞌ tè bòt e tsiꞋa ŋeꞋa bèngo̧o̧na bɔb ngà nɔ̀ŋà a ègwet tèku̧tsə nè bèmatà a balu̧. Me ghɨ̀ ale, ngua nkɨà mbɨ̀Ꞌɨ̀ Pità me tsě, àlɨ̀ŋkè atò a kà̧ ntsè a ègwet àbəèꞋ àyɔb, mbɨ̀Ꞌɨ̀ ebə awɔb.

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

1 Kɔlìn 12:30

È ntsě bòt bàgème bɔ̀ɔ nkoà mbəa bòt la. È kà wu bòt bàgème bɔ̀ɔ ndàꞋà ane ndɨ̧tsə tsa tsa la, è kà wu bòt bàgème bɔ̀ɔ nko ngàꞋta mènəè bɔ laꞋa ane ndɨ̧ tsa tsa la shua la.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

2 Kɔlìn 4:13

Àkata Mbɔ̧ɔ̧mà a laꞋnê “Mâ zǐ èntɨ̧ɨ̧ am ane Mbɔ̧ɔ̧mà ale ngu elàꞋa ànəa tò.” Bàa mbɔŋ e bɔ èwuu mèmɨ̀ɨ̀te mà, ale ba zǐ èntɨ̧ɨ̧ ane Mbɔ̧ɔ̧mà ngu elàꞋa ànəa tò mɨ̧̂.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Ebùlù 11:33

Èntɨ̧ɨ̧ wu bɔ̀ɔ wàa e li ndzi ane Mbɔ̧ɔ̧mà la e li ngɨ̀ bɔ nù èlaꞋ ntsè, ngɨ̀ àghɨa Mbɔ̧ɔ̧mà nàa nkɨa la, tà ŋà àwɔb àghɨa tà li nkàꞋ la. Bɔ li mè ngɨ̀ bèsambàŋ e katè mètsəê mɔb,