1 Kɔlìn 12:8 - Mundani

⁸ Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 12:8 ပူးပေါင်းရင်းမြစ်များ

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 1:5

Maà ndzèa àyaa ane èghɨ ntsɔ̧̀ bu ègème tà ghɨ̂ bɨ bɔŋ la, nè ndɨ̀ wu bɨ ko a màndaꞋa èngǎ̧ tò ane balu̧ bàgème mè nko àghɨ àgème a bɔ ndɨ àa ghɨ̀ nê Fo Mbɔ̧ɔ̧mà la.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 13:8

Èkɔŋ aa kà lìà, è me wu màndaꞋa ane àtɔŋ Mbɔ̧ɔ̧mà ko aa li tsě. È me wu nè màndaꞋa ndɨ̧tsə tsa tsa ko tea li mǐ. È me wua mànkoa e ghaꞋte mènəè Mbɔ̧ɔ̧mà, kǒ nàa li tsě.

1 Kɔlìn 14:26

Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

1 Kɔlìn 14:6

Bɔnyɨ bɔ̧, e nkɨ̀Ꞌa abua yɨ̧ me làꞋa ndɨ̧tsə tsa tsa, ko màa tɨŋe awɨ̧ ane ghà à? BetsiꞋa è nka tɨŋe awɨ̧ kà wu nê mâ nɨ ànəa Mbɔ̧ɔ̧mà nyɨꞋte abua am la e kɨꞋɨ shu awɨ̧, ko ghaꞋte èghɨ mâ ko la e shu bòt leꞋ, kò ndaꞋa ane àtɔŋ Mbɔ̧ɔ̧mà leꞋ, kò nyɨ̀Ꞌta wɨ̧ mènəè leꞋ.

1 Kɔlìn 2:11

Wòt wu betsiꞋa tà ko mèmɨ̀ɨ̀te wòt kà wua èntɨ̧ɨ̧ ŋut la wu wàà? Eyaa wu ndɨ betsiꞋa wɔ̀bȩ̂ kà ko mèmɨ̀ɨ̀te Mbɔ̧ɔ̧mà kà wu Fo tò la.

1 Kɔlìn 2:16

Mbɨ̀Ꞌɨ̀ Àkata Mbɔ̧ɔ̧mà a shu la “Wàa ko mèmɨ̀ɨ̀te Tè Yesò à? BetsiꞋa wàa kɨɨta tò à?” Bàa bòt Mbɔ̧ɔ̧mà aa mɨ̀ɨ̀tà mènəè ndɨ Yesò Klistò nàa mɨ̀ɨ̀tà la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 11:6

È màà ngu wuê nê maa kà ko ndàꞋ, ko àghɨa ko bɔ ko tê ntsè am la a ntsě. Mâ ghɨ̂ bɨ ko àyaa a ngo̧ a ngò̧ ane àghɨ àgème mâ ghɨ̀ la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

2 Kɔlìn 8:7

Bɨa ndâ mbɨ̧̀ɨ̧̀ne èngǎ̧ Mbɔ̧ɔ̧mà. Bɨa nkoa ndàꞋà èngǎ̧ tò ntsɔ̧̀. Bɨ taꞋa bɔ èyì, mè ndâ ŋà wɨ̧ ane àfaꞋa Mbɔ̧ɔ̧mà. Bɨ taꞋa wua nkɔ̀ŋkà wa. Ane nkûŋ, bɨa ndâ ngɨ̀à àfaꞋa ntsɔ̧̀ yaa. Ale, baa ndâ nkɨà nê bɨ̀ la ŋǎ èghɨ ba ntsɔ̧̀ nè èntɨ̧ɨ̧ wɨ̧ wemɔꞋ.