1 Kɔlìn 12:31 - Mundani

³¹ Ka bɨ̀ lâ nɔ̀ŋè mèntɨ̧ɨ̧ mɨ̧ me kɨ ngule mèghàb, mbɔ̂ maa nyɨꞋte awɨ̧ ngule èlu̧ ntsɔ̧̀.

1 Kɔlìn 12:31 ပူးပေါင်းရင်းမြစ်များ

Matìù 5:6

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Lûk 10:42

Ka ndàꞋ àghɨ yeamɔꞋ aa və à bɔ ndɨ à ghɨ̂ ngu me ŋa awê ngoꞋ adù̧ la. Màlià lȩ̀ àghɨa ntsɔ̧̀ mbɔŋ. BetsiꞋa bɔ̀ ka lɔꞋ àlia nɨ àyùà abua tò.”

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.

1 Kɔlìn 14:1

Bɨ̀ ghɨa èkɔŋ e wua àghɨa mbì abua yɨ̧, mè ndâ me kɨ èghɨ Fo Mbɔ̧ɔ̧mà nàa ŋǎ la. Ane èghɨ mbɔŋ, màndaꞋa ane àtɔŋ Mbɔ̧ɔ̧mà à wu mbì.

1 Kɔlìn 14:39

È wu ale, à bɔnyɨ bɔ̧, bɨ̀ la ndzì èntɨ̧ɨ̧ me làꞋà àtɔŋ Mbɔ̧ɔ̧mà, mbɔ̂ bɨ̀ ka nkèle bòt Mbɔ̧ɔ̧mà nê bɔ̂ ka ndàꞋà ndɨ̧tsə tsa tsa.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Ebùlù 11:4

Èntɨ̧ɨ̧ wu Abèl li ndzi ane Mbɔ̧ɔ̧mà la e li ngɨ̀ tà ŋà èghɨ e bɔ̂ŋ ntsè èbe Kên la abua Mbɔ̧ɔ̧mà. Èntɨ̧ɨ̧ mbɔŋ tà li ndzi ane Mbɔ̧ɔ̧mà la, e li ngɨ̀ Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Ba ko anè nkàà nê Mbɔ̧ɔ̧mà li mbɨ̧̀ɨ̧̀ne nɨ èghɨ bu tà ŋa abua tò la. Abèl li mbàte mpfə ale ka ba bɔ̂ mbèla ndzəa ànəa àghɨa tà li ngɨ̀ la, nkàà èntɨ̧ɨ̧ wu tà li ndzi ane Mbɔ̧ɔ̧mà la.