1 Kɔlìn 12:3 - Mundani

³ Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Kɔlìn 12:3 ပူးပေါင်းရင်းမြစ်များ

Matìù 22:43

Tà mè mbììte awɔb nê, “Ale, ghǎ li ngɨ̀ ka Fo Mbɔ̧ɔ̧mà ghɨ̀ Fɔ̧̀ Dàbid me tɔ tò ane tǎt vi à? Dàbid li nê,

Ntu̧ Ntsɔ̧̀ MAK 9:39

Yesò shu abua yɔb nê, “Bɨ̀ ka nkèle atò. BetsiꞋa wòt ka nɨ èlen laã ngɨ̀ ànəa kà ye fɨ̀Ꞌ, adzìꞋ me wù̧ù̧nè tà bùꞋ ntsiꞋi me làꞋa mènəè kàbɔ̀ŋ ane yaã.

Jɔ̌n 13:13

Bɨa ntɔ am ane nyɨꞋtà, mè ntɔ am ane tǎt wɨ̧ mbɔ̂ ngua shua nkûŋ, nkàà nê e ye wu àghɨa è ngu yùà la.

Jɔ̌n 13:14

Ndɨ̀ wu mmɔ̌ wu è ngu tǎt wɨ̧ mè ngu nyɨꞋtà wɨ̧, mâ shùù èka bɨ̧ la, bɨ bɔ ndɨ bɨ̀a me ghɨ̌ a èlɨ mbɔŋ, wòt naa me shùù èka wanyɨ vi la.

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

ÀfaꞋa 8:37

[Filìb shu abua tò nê, “À nàŋa tè ndzia èntɨ̧ɨ̧ wê ègème ane Yesò ko betsiꞋa bɔ zì àwê a èdzî.” Tà nê, “Oò mâ bɨ̧̀ɨ̧̀nè nê Yesò Klistò wu Waã Mbɔ̧ɔ̧mà.”]

Lûm 10:9

À shua ane ètsəê wê nê, “Yesò wu Lefɨ̀Ꞌ,” mè mbɨ̧̀ɨ̧̀ne a èntɨ̧ɨ̧ wê nê Mbɔ̧ɔ̧mà li njù̧ù̧me a Yesò a èbem èvə, ko aa bɔ mèmpème.

Lûm 9:3

Ndɔ̀ Mbɔ̧ɔ̧mà ghɨ ale nɔ̀ŋke a ègwet laã, tè ntsì am ane Yesò Klistò mbɨ̀Ꞌɨ̀ e ghɨ̌ bɔnyɨ bɔ̧ bu, è wu bòt àndà̧ bɔ̧ la aa peme, ko a bakà bɨ am.

1 Kɔlìn 16:22

Wòt bakà wua nkɔ̀ŋkà Lefɨ̀Ꞌ, ndɔ̀ nɔ̀ŋke àtsəa tò. Lefɨ̀Ꞌ wa, kɨꞋɨ!

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

2 Kɔlìn 3:5

Ba ntsea shua nê ba ghɨ̀à àfàꞋ yaa ane mètàŋ ma. Wu Mbɔ̧ɔ̧mà ka tà ŋa awa mètàŋ ba me nɨa ngɨ̀à àghɨa bàa ngɨ̀à la.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Ètsə 1:10

Mbɨ̀Ꞌɨ̀ è ngu abot ane Àliapfəèa Mbɔ̧ɔ̧mà ako la, Fo Mbɔ̧ɔ̧mà e kɨꞋɨ ane yaã, e ndzə àtɔŋ ko akwèn yaã ndàꞋà mbɨ̀Ꞌɨ̀ èsɔndɨk.