အွန်လိုင်း သမ္မာကျမ်းစာ

« အရင်

နောက်တစ်ခု »

1 Kɔlìn 12:28 - Mundani

²⁸ Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Kɔlìn 12:28
23 ပူးပေါင်းရင်းမြစ်များ

Ntu̧ Ntsɔ̧̀ MAK 16:17

Bòt bu bɔ bɨ̧ɨ̧ne la aa bɔ èlȩê baa: Bɔɔ nga me enɨ èlen laã fəèà fote kàbɔ̀ŋ, mè ndàꞋà èwuu ndɨ̧te ko tsa tsa.

အခန်းကိုကြည့်ပါ။

Lûk 6:14

Simùn wu Yesò li ngua ntɔ nê Pità la bɔ̂ wanyɨ vi Andùlù, Jimsì bɔ̂ Jɔ̌n, Filìb bɔ̂ Bàtòlomiò,

အခန်းကိုကြည့်ပါ။

ÀfaꞋa 11:27

ÀfɨꞋa mbɔŋ wu àfɨꞋa bèndàꞋàtɔŋ Mbɔ̧ɔ̧mà ko e li ndɔ̀Ꞌ a Jèlusalèm nchu nga a Antìɔ̀k la.

အခန်းကိုကြည့်ပါ။

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

အခန်းကိုကြည့်ပါ။

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

အခန်းကိုကြည့်ပါ။

1 Kɔlìn 12:18

Ka mbɨ̀Ꞌɨ̀ àa la, Mbɔ̧ɔ̧mà li ngɨ̀ èdziꞋi ènyit ègème ntsìte bùà ane ndɨ àa me bɔ̌ atò la.

အခန်းကိုကြည့်ပါ။

1 Kɔlìn 12:29

È ntsě bòt bàgème bɔ̀ wu bɔntu̧ Yesò Klistò la. È ntsě bòt bàgème bɔ̀ wu bèndàꞋàtɔŋ Mbɔ̧ɔ̧mà la. È kà wu bòt bàgème bɔ̀ wu bènyɨꞋtà la. È ntsě bòt bàgème bɔ̀ɔ ngɨ̀à ngɨŋa ènəê la?

အခန်းကိုကြည့်ပါ။

1 Kɔlìn 12:30

È ntsě bòt bàgème bɔ̀ɔ nkoà mbəa bòt la. È kà wu bòt bàgème bɔ̀ɔ ndàꞋà ane ndɨ̧tsə tsa tsa la, è kà wu bòt bàgème bɔ̀ɔ nko ngàꞋta mènəè bɔ laꞋa ane ndɨ̧ tsa tsa la shua la.

အခန်းကိုကြည့်ပါ။

1 Kɔlìn 14:2

Wòt tàa ndaꞋa ane ndɨ̧ kà bòt e koê la, ka laꞋa abua bɔbȩ, tà laꞋa abua Mbɔ̧ɔ̧mà nkàà nê, wòt kǒ tàa ndzəa ànəa tà shua la ntsě. Tà wua ndàꞋà mènəè ane mètàŋ Fo Mbɔ̧ɔ̧mà è wù mènəè ndò̧ ègème la.

အခန်းကိုကြည့်ပါ။

1 Kɔlìn 14:4

Wòt tàa ndàꞋà ndɨ̧ tsǎ la, wua ndɔ̀ktà èntɨ̧ɨ̧ vi zìambɔŋ, ka wòt tàa ndàꞋà ane àtɔŋ Mbɔ̧ɔ̧mà la, wua ndɔ̀ktà mèntɨ̧ɨ̧ bòt chɔsì bàgème.

အခန်းကိုကြည့်ပါ။

1 Kɔlìn 14:5

Maà nkɨà nê bɨ̀agème è me làꞋa ndɨ̧tsə tsa tsa, ka e mbɔ̂ me kɨ nê bɨ̀ làꞋà nyaŋ wuê ane àtɔŋ Mbɔ̧ɔ̧mà. Wòt tàa ndàꞋà àtɔŋ Mbɔ̧ɔ̧mà la è tsě wòt tàa ndàꞋà ndɨ̧tsə tsa tsa la, na wòt bakà wuê tàa ghaꞋte mènəè mu tà laꞋa ane ndɨ̧ tsǎ la e shu e tɨŋe bòt chɔsì la.

အခန်းကိုကြည့်ပါ။

Efesɔ̀s 2:20

Bɨ wu àyɨ̧ bòt ko ane lob yu bɔntu̧ Mbɔ̧ɔ̧mà nè bèndàꞋàtɔŋ Mbɔ̧ɔ̧mà è wu àtetsi, Yesò Klistò zìambɔŋ wu èti tɔ̀Ꞌɔ̀ lob la.

အခန်းကိုကြည့်ပါ။

Efesɔ̀s 3:5

È li ngu tê àfɨꞋa mbì, Mbɔ̧ɔ̧mà kà tuꞋu ànəa ndò̧ yaa abua bɔbȩ, ka nè àfɨ̀Ꞌ yaa Fo Mbɔ̧ɔ̧mà è tùꞋu abua bɔntu̧ Mbɔ̧ɔ̧mà nè bèndàꞋàtɔŋ tò.

အခန်းကိုကြည့်ပါ။

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

အခန်းကိုကြည့်ပါ။

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

အခန်းကိုကြည့်ပါ။

Ebùlù 13:24

Bɨ̀ tsàꞋte bòt bu bɔ̀ wu àtsəa yɨ̧ la bàgème, mè nè bòt Mbɔ̧ɔ̧mà bàgème. Bɔnyɨ baa bu a Itàlì la aà ntsàꞋtè awɨ̧.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ