1 Kɔlìn 12:18 - Mundani

¹⁸ Ka mbɨ̀Ꞌɨ̀ àa la, Mbɔ̧ɔ̧mà li ngɨ̀ èdziꞋi ènyit ègème ntsìte bùà ane ndɨ àa me bɔ̌ atò la.

1 Kɔlìn 12:18 ပူးပေါင်းရင်းမြစ်များ

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

Lûm 12:6

Ale, bàà me nɨ mèghàb mu tsa tsa Mbɔ̧ɔ̧mà nɨa ntsɔ̧̀ vi ŋa abua ya la fàꞋà. Èwe wòt nè èghàb è wu màndaꞋa àtɔŋ Mbɔ̧ɔ̧mà, tà me làꞋa ane èlɨ tà ko nê Mbɔ̧ɔ̧mà shu avi la.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

1 Kɔlìn 12:17

Mbɨ̧̀ ènyit ègème ghɨ̀ ale, ngu wuê èghɨ, ko nàa me ghɨ̀ na ka ndzəa èdziꞋ à? Mbɨ̧̀ ènyit ègème ghɨ̀ ale, mè ngu wuê àtû̧, ko nàa me ghɨ̀ na ka nuke èdziꞋ à?

1 Kɔlìn 12:19

ÈdziꞋi ènyit ngaa ègème e li ngɨ̀ ale ngu àdziꞋa ènyit yeamɔꞋ, ko mbɨ̧̀ ènyit nàa dzəè neŋàà?

1 Kɔlìn 12:24

è wù àghɨa bàa ka ghɨ ane èdziꞋi ènyit bu àa mbɔa a mànyɨꞋta la. Ka Mbɔ̧ɔ̧mà ghɨ̌ mbɨ̧̀ ènyit ane ndɨ bɔ̀ɔ me kukte èdziꞋi ènyit bu bàa ka nɨ mbɨꞋɨ̀ àghɨ la,

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

1 Kɔlìn 15:38

Mbɔ̧ɔ̧mà nàa ngɨ̀ tà ghɨ̀ kèmbèm fu ke tsə mbɔ̌ mbɨ̧̀ tà kɔ̀ŋkè la. Tàa ngɨ̀ tà ghɨ̀ kèmbèm kègème ke bɔ zi ne mbɨ̧̀.

1 Kɔlìn 3:5

Àpolòs nàa nè ngu wàà? Pɔ̂l mè ngu wàà? Ba wu wuê bɔfàꞋ Mbɔ̧ɔ̧mà tà li ntsè ane ya ngɨ̀ bɨ zì mèntɨ̧ɨ̧ mɨ̧ ane Yesò Klistò la. Waa waa ane ya nàà ngɨ̀à wuê àfaꞋa Mbɔ̧ɔ̧mà ŋa nê tà ghɨa la.

Efesɔ̀s 1:5

Mbɔ̧ɔ̧mà li nga ambo èkɔŋ wu tà bɔ ane ya la mbèla àfɨꞋa tsa ntàŋke ndɨ Yesò Klistò nàa li ghɨ̌ baa tsiꞋi bɔ̧ bi la. Tà li ngɨ̀ àyaa ndɨ tà kɔ̀ŋkè nê à wu la.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”