1 Kɔlìn 11:26 - Mundani

²⁶ Àfɨ̀Ꞌ àgème bɨa njɨ̀a bled waa mè nua ndɔŋ yaa la, bɨ me nɨa shuà ànəa èvə Tè Yesò tè ndɨ tàa li mě kɨꞋɨ la.

1 Kɔlìn 11:26 ပူးပေါင်းရင်းမြစ်များ

Jɔ̌n 14:3

Maa me ghɨ̀ tê ngà ntàŋke àdziꞋ abua yɨ̧, mbɔ̂ nkua akwèn nkɨ̀Ꞌɨ̂ nɨa wɨ̧ ba ghà nɔ̂, mbɨ̀Ꞌɨ̀ bɨa tseke ayɨ̧ àdziꞋa e ngu la mɨ̧̂.

Jɔ̌n 21:22

Yesò bɨ̀ɨ̀lè nê, “E nkɔ̀ŋkè nê, tà tseke yû̧ tè e ndi nkɨ̀Ꞌɨ̂, àyê adù̧ wu ghà à? Kùŋè am.”

Jɔ̌n 21:23

Èngà̧ waa Yesò shu la e bùà a kètsìà bɔnyɨ bu nê, tà laꞋnê wakatè waa ka li tsi epfəa, mbɔ̂ me làꞋ ale, Yesò kà lem nê, wakatè mbɔŋ ka li epfəa. Tà li shu wuê nê, “E kɔ̀ŋkà nê tà tseke yû̧ tè è ndi nkɨ̀Ꞌɨ̂, àyê adù̧ wu ghà à?”

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

1 Kɔlìn 15:23

Mbɔ̧ɔ̧mà bɔ̂ ngu ghɨ waa waa naa yu̧u̧me ane vi ne akɔ̀Ꞌ. Yesò Klistò bɨɨ njù̧ù̧mê, bòt bu è wù èbe tò la e wu li yu̧u̧me mɨ̧̂ ane àli yu tàa li kɨꞋɨ la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

1 Tèsàlonikà 4:16

Naa li ngu ane àlia mbɔŋ, bòt è zə àtɔŋ a ŋȩ la, tǎt bɔntu̧ Mbɔ̧ɔ̧mà ŋȩ, bòt e zə èsɔndɨk Mbɔ̧ɔ̧mà e làꞋà la, Tè Yesò Klistò zìambɔŋ bɔ̂ nchu a ègwet. Bòt bu bɔ li ndzì mèntɨ̧ɨ̧ mɔb ane Yesò ka mpfəèꞋte la e bɨ̀ njù̧ù̧mê.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

Jûd 1:14

Enɔ̀k wu ngute bòt te li ntse akwene Adàm tentùa ka bɔ bi atò la li shu ànəa Mbɔ̧ɔ̧mà nyɨꞋte atò ane ànəa àa li lɔ̀Ꞌɔ eye bòt baa la. Tà li nê, “Bɨ̀ ye a Mbɔ̧ɔ̧mà nkɨ̀Ꞌa nè bɔntu̧ bi ànyaꞋne ànyaꞋne.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.