1 Kɔlìn 11:2 - Mundani

² Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

1 Kɔlìn 11:2 ပူးပေါင်းရင်းမြစ်များ

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

1 Kɔlìn 11:17

Maa me shu maa nè mènəè ale, ka è nka wuê wùꞋtè àwɨ̧ nkàà nê bɨ̀a ngɨ̀ bɨ̀ bu̧u̧ta ane èlen Mbɔ̧ɔ̧mà, bɨ paa me tsòkè mènəè tè ntsè ndɨ bɨ̀a nèètà la.

1 Kɔlìn 11:22

Eyaa wu kǎ èwuu ànəê à? Bɨ bakà bɔ lobtsə me jɨa nua a èbèm? Bɨ ghɨ̀ na me waa chɔsì Mbɔ̧ɔ̧mà tè ntsìꞋa ngɨ̀à bòt kà bɔ ayɔb e bɔ àtsəa kɔꞋɔ à? È ngu ane shu abua yɨ̧ nê ghà à? Tè betsiꞋa e ngùꞋtè àwɨ̧ ane àghɨ yaa bɨ ghɨ̀ la à? ChaꞋ, è nka ghɨ̀ ale a.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

1 Kɔlìn 4:17

Eyaa wu lə e ntsàa Tɔ̀màtià la. Tà wu waã èkɔŋ am ndɨ̀ wu bà wu bòt Tè Yesò Klistò la. Tàà ngɨ̀à àfàꞋ àzi nè èntɨ̧ɨ̧ vi ègème. E ntsaa tò nê ta kɨꞋɨ nkù̧ù̧te awɨ̧ mènəè mɔ̧ ane Yesò Klistò. Wu mènəè maa nkùŋà mùà mè nyɨ̀Ꞌta a bèchɔsì a èdzìꞋ ègème la.

1 Kɔlìn 7:17

Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

1 Tèsàlonikà 3:6

Ka nè àfɨ̀Ꞌ yaa, Tɔ̀màtià è kua àpfəè ayɨ̧ tè shu awa ànəa ntsɔ̧̀ a ghɨ̀ mèntɨ̧ɨ̧ ma me bɔ̀ la. Tà shu awa nê mèntɨ̧ɨ̧ mɨ̧ bele ane Yesò, bɨ mè mbèla nkɔ̀ŋkà bɔnyɨ bɨ̧ mè shu nê bɨà ntsèka mɨ̀ɨ̀tà àwa ntsɔ̧̀, mè nkɨ eye awa wuê mbɨ̀Ꞌɨ̀ bàa nkɨà àwɨ̧ eye mɨ̧̂ la.

2 Tèsàlonikà 2:15

Bɔnyɨ, è wu ale bɨ̀ ka mbɨ̧̀ɨ̧̀nê àghɨa ko a tsì èntɨ̧ɨ̧ wɨ̧ ane mènəè Yesò. Bɨ̀ neeta mbà̧aã nkûŋ yu bɔ li nyɨ̀Ꞌte awa, bàambɔŋ e mè nyɨ̀Ꞌte àfɨ̀Ꞌ yu ba li ngua ndàꞋà èngǎ̧ Mbɔ̧ɔ̧mà abua yɨ̧, mè shu a èbem àkatè yu ba li shɨ abua yɨ̧ la.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.