1 Kɔlìn 10:33 - Mundani

³³ Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 10:33 ပူးပေါင်းရင်းမြစ်များ

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 12:5

Eyaa wu ndɨ bàa batè ngu nyaŋ ale, ka ngu mbɨ̧̀ ènyit yemɔ̀Ꞌ ndɨ̀ wu bàa tsiꞋi àghɨ yeamɔꞋ nè Yesò Klistò la, mè fɔte nè bɔnyɨ ba mbɨ̀Ꞌɨ̀ èdziꞋ tsa tsa ane mbɨ̧̀ ènyit yemɔ̀Ꞌ la.

1 Kɔlìn 10:24

Wòt me ghɨ̀ mènəè tà me mɨ̀ɨ̀tè bòt ko, tà ka me mɨ̀ɨ̀tè wuê avi zìambɔŋ.

1 Kɔlìn 13:5

Èkɔŋ àa kà wuꞋne bòt, è ka wua nkɨà wuê àzi ne àbȩ̀, è ka wua ndzàŋà ntsòa, è ka wua mpàŋa mènəè kàbɔ̀ŋ bòt e ghɨ̀ la.

2 Kɔlìn 12:14

Eyaa wu ngò̧ tetat màa nkɨ mě kɨꞋɨ eye awɨ̧ la, ka è nkɨ̀Ꞌa kà wu me lɨ̀ŋke àwɨ̧ a ebàꞋa àghɨa ko, nkàà nê è nka kɨꞋa ebàꞋa èghɨ bɨ̧. E nkɨ̀Ꞌa etɨŋe awɨ̧. È ntsě bɔtechɨɨle bɔ̀ɔ fèta èghɨ nɔŋa abua bètǎt bɔb bɔ̂ bènyɨ̌ bɔb la. Wu bènyɨ̌ bɔ̂ bètǎt ka bɔ̀ɔ fèta èghɨ nɔŋa abua bɔ̧ bɔb la.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.