1 Kɔlìn 10:14 - Mundani

¹⁴ È wu ale, bèshu̧ bɔ̧, bɨ̀ ka mbê me kukte bènàmbəa.

1 Kɔlìn 10:14 ပူးပေါင်းရင်းမြစ်များ

ÀfaꞋa 15:20

Ba wu eshɨ wuê àkatè eŋa abua yɔb nê, bɔ̀ ka tsi njɨ̀ èghɨ bɔ nɨŋ ntsì èpɨ̧̀ la, nkàà nê wu èbɨꞋte èghɨ; bɔ̀ ka tsi nɔ̀ŋkè nè bèzi kà wu e bɔb; bɔ̀ ka tsi nkwèle nyà̧ bɔ tɨ̀ŋè la, kò njɨ̀ àlo̧ leꞋ.

Lûm 12:19

Bɔnyɨ bɔ̧, wòt ghɨa kàbɔ̀ŋ ane wòt, tà ka mvəèəè, tà sàŋ Mbɔ̧ɔ̧mà nɨ ntsǒ zi ngɨ̀, wuê mbɨ̀Ꞌɨ̀ Mbɔ̧ɔ̧mà shu bɔ shɨ a èbem Àkata tò la nê, “Wòt tàa vəèəè la wu mmɔ̌. Maa ŋa àbȩ̀ yɔb. Wu Tǎt wa Mbɔ̧ɔ̧mà shua la.”

1 Kɔlìn 10:15

E ngua ndaꞋa abua yɨ̧ mbɨ̀Ꞌɨ̀ e ndaꞋa abua bòt èyì. Bɨ̀ kwàꞋtà àyɨ̧ ndze ànəa e shuà la.

1 Kɔlìn 10:19

È ngu anè shua nê ghà à? Tè e ngua shua nê bènàmbəa wu àghɨa nɨ̧ a ko, èghɨ bɔ nɨŋ njɨ̀a nàmbəa la mè ngu àghɨa ko?

1 Kɔlìn 10:7

Bɨ̀ ka ngu bòt bɔ̀ɔ nkùkta bènàmbəa la, mbɨ̀Ꞌɨ̀ àbəèꞋ àyɔb ako a li nguê la. Àkata Mbɔ̧ɔ̧mà a làꞋa ànəa yɔb nê “Bòt ngaa e li ntsèke a si me jɨa nua, mè ndɔ̀Ꞌ a si mbèna nkùkta nàmbəa.”

1 Kɔlìn 5:11

Ka e ndi ngua shɨa nê bɨ̀ ka mbɔ̀ àghɨa ko a màngɨa ne wòt tàa shua nê ye wu wanyɨ wa mbɔ̀ mbèla njɨ̀a ngò̧ò̧tètsə, kò ngɨa aghàbà, nkùkta bènàmbəa, njɨ̀a mènaŋ, nua mèlùꞋ mbea, kò ntsɔa la leꞋ. À ka mbê njɨ̀ àghɨ bɨ èwuu bòt mbɔŋ.

2 Kɔlìn 11:11

Tè e ntsèka kà wua nɨa àghɨ abua yɨ̧ anè ngu shua nê maà kà kɔ̀ŋkè àwɨ̧? ChaꞋ a ntsě ale! Mbɔ̧ɔ̧mà ko nê maà nkɔ̀ŋkà àwɨ̧.

2 Kɔlìn 12:15

Aa me bɔ̀ am eŋa àghɨ àgème fɔɔle àtsə am ane ànəa yɨ̧. Tè e ngu ekɔ̀ŋkè àwɨ̧ te tsě àdziꞋ anè, ko bɨa nkɔ̀ŋkè am mpîꞋ?

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

2 Kɔlìn 6:17

“Ale Lefɨ̀Ꞌ laꞋnê, bɨ dzə ayɔɔ yɔb me tsèke tsa ane yɔb, bɨ̀ ka mbà̧à̧te àghɨa àa tsòkè àwɨ̧ la ko maa nɨ awɨ̧,

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Fȩlemùn 1:1

Letà Pɔ̂l, wòt tèfȩ ane ànəa Yesò Klistò, bɔ̂ Tɔ̀màtià wanyɨ wa, Abua Fȩlemùn ngule shu̧ ya ba tò àa fàꞋà nɔ̂ la.

Ebùlù 6:9

Ngule bèshu̧ bɔ̧, ba batè ndàꞋ anè ale, ka mbɔ̂ nga ane ànəa yɨ̧ ndâ nko nê bɨa nga egha ane alu̧ ntsɔ̧̀ wu Mbɔ̧ɔ̧mà nàa ghɨ̌ bɨa bɔ mèmpème la.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

1 Jɔ̌n 5:21

Bɔ̧ bɔ̧, bɨ ko mbɨ̀Ꞌɨ̀ bɨ zì mèntɨ̧ɨ̧ mɨ̧ ane bènambəa.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 2:14

“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.