1 Kɔlìn 10:11 - Mundani

¹¹ Èghɨ baa ègème e li ngɨ ane yɔb mbɨ̀Ꞌɨ̀ bòt ko aa ye, bɔ mè shɨ bùà a si mbɨ̀Ꞌɨ̀ baa nɨ nkɨ̀à, ndɨ̀ wu bà wu àfɨꞋa ngɔ̀ŋ tsìꞋa ndìà lìa la.

1 Kɔlìn 10:11 ပူးပေါင်းရင်းမြစ်များ

Matìù 13:39

Tà wu wòt wu tà sà afəèꞋ kàbɔ̀ŋ wu la, nkàà nè tà wu wɔ̀mbù̧ tǎt mbȩ yu. Àlia màfuꞋa yu wu àlia ngɔ̀ŋ nàa li lìà la, bòt màfuꞋa bu wu bɔntu̧ Mbɔ̧ɔ̧mà.

Matìù 13:40

“Èlɨ bɔ̀ɔ fèta afəèꞋ kàbɔ̀ŋ wu ntò̧à a èbem èwet la, wu èlɨ bɔ̀ɔ li ghɨ̀ ane bòt kàbɔ̀ŋ àfɨꞋa ngɔ̀ŋ nàa li lìà la.

Lûm 13:11

Bɨ̀ me ghɨ̀ àyaa nkoa mɨ̧̂ nê bɨ ko èwuu àfɨꞋa bɨ̀ wu adù̧ la. ÀfɨꞋa bɨ bɔ ndɨ bɨ̀a lɔ̀Ꞌɔ a si mbɨ̀Ꞌɨ̀ bòt bɔ ku̧u̧te awɔb la, a kuêꞋ. ÀfɨꞋa bàa bɔ mèmpème la a kɨꞋɨ tê ngu a ngèt ya àfɨ̀Ꞌ yaa tè ntsè ndɨ à le wuê àfɨ̀Ꞌ yu baa li mbùꞋ ndzì mèntɨ̧ɨ̧ ma ane Yesò la.

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

Lûm 15:4

Àghɨ àgème bɔ li shɨ a èbem Àkata Mbɔ̧ɔ̧mà àfɨꞋa mbì la a li ngua mànyɨꞋte awa, è me ghɨ̌ baa me kuule mèntɨ̧ɨ̧ ma, mè ndzìà mèntɨ̧ɨ̧ ma, mbɨ̀Ꞌɨ̀ baa me chɨ̀Ꞌɨ èghɨ bu ègème Mbɔ̧ɔ̧mà kàꞋà àwa la.

Lûm 4:23

Mèngà̧ mu bɔ li shɨŋ nê, “Mbɔ̧ɔ̧mà li nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la”, li è kà wu abua tò zìa ndziꞋne.

1 Kɔlìn 10:6

Èghɨ baa ègème e li ngɨ ane bètǎt nyaꞋ ba la e wu mbɨ̀Ꞌɨ̀ baa nɨ nkɨà àfɨ̀Ꞌ yaa, mbɨ̀Ꞌɨ̀ e baka wua nkɨ me ghɨ̌ a kàbɔ̀ŋ mbɨ̀Ꞌɨ̀ bɔ li ngɨ̀ la.

1 Kɔlìn 7:29

Bɔnyɨ bɔ̧, ànəa e shua la wu nê, àfɨ̀Ꞌ a tsiꞋa nyɨ̀Ꞌa, è wu ale, e bùꞋu àfɨ̀Ꞌ yaa me ghà ne mbì, bòt bu bɔ bɔ bèzi la è tsiꞋi me tseke mbɨꞋɨ̀ bɔ bakà bɔ bèzi.

1 Kɔlìn 9:10

Tè tà li tà kà wua ndàꞋà àyaa ŋǎ abua ya à? Tà li ngua ndàꞋà ŋǎ abua ya. Wòt me liꞋi mbȩ tà bɔ̌ ndɨ tàa bɔ ntɨ̀ nê yea ghɨ̌ fùꞋu, wòt fùꞋu la bɔ ntɨ̀ nê yea bɔ vi ne èghab la.

Gàlashìà 4:24

Ànəê yaa a fəə èngà̧teme. Bèzi bàa e nyɨꞋtà mènkàꞋa mâmbè. Wemɔ̀Ꞌ wu Agà tà dzə a ègwet èbȩ Sinȩ̀ la. Bɔ̧ tàa mbia la wu èbùꞋ.

Filìpȩ 4:5

Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

Ebùlù 10:25

Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 10:37

Àkata Mbɔ̧ɔ̧mà a laꞋnê, “AdzìꞋ naa me wù̧ù̧ne, wòt wu nga ekɨꞋɨ la naa kɨꞋɨ, tà ka tsòke àfɨ̀Ꞌ a.

1 Jɔ̌n 2:18

Bɔ̧ bɔ̧, ngɔ̀ŋ bele yàŋe elìa. Bɨ li ndzə nê, wɔ̀mbù̧ Yesò Klistò naa li ekɨꞋɨ. Ka nè àfɨ̀Ꞌ yaa bɔmbù̧ tò e taꞋa saꞋa a si tè àyea mbɔŋ a ghɨ̂ ba ko nê ngɔ̀ŋ bele yàŋe elìa.