1 Kɔlìn 1:7 - Mundani

⁷ bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

1 Kɔlìn 1:7 ပူးပေါင်းရင်းမြစ်များ

Matìù 25:1

“Àlia mbɔŋ aa li nkùꞋ, ànəa kèfɔ̧̀ Mbɔ̧ɔ̧mà a wu mbɨ̀Ꞌɨ̀ àyea bɔɔ̀zi ko èghem bɔ li nɨ mèkàꞋà mɔb nga esèè lu̧ ndzà la.

Lûk 12:36

mbɨ̀Ꞌɨ̀ bɔfàꞋ bèa ngɨ̀ be me chɨꞋɨ a tǎt wɔb taa kua adzìꞋa èpǎ̧ ndzɔꞋɔ la. Mbɨ̀Ꞌɨ̀ tà kua tà luꞋte ètsələèꞋ bɔ bê ntsɔꞋɔ wuê kwàꞋ àfɨꞋa mbɔŋ.

Lûk 17:30

“Eyaa wu ndɨ àa li wu àfɨꞋa Waã Wòt nàa li pùùla ayaã la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûm 8:23

È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

2 Kɔlìn 12:13

Àghɨ yu e ndi ngɨ abua bèchɔsì ko kà ghɨ abua yɨ̧ la wu ghàà? Wu wuê ndàꞋ àghɨ yeamɔꞋ e ndi è nka ghɨ abua yɨ̧ la. Àghɨa mbɔŋ wu nê e ndi è nka shu nê bɨ̀ me ŋa èghɨ abua am. Bɨ̀ waꞋa kàbɔ̀ŋ am.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

1 Tèsàlonikà 1:10

Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Pità 5:4

Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.

2 Pità 3:12

mbɨ̀Ꞌɨ̀ bɨ̀a nchɨ̀Ꞌà àli yu tàa kɨꞋɨ la, mè ngɨ̀à ndɨ tàa yàŋe ekɨꞋɨ la. Naa li ngu ane àlia mbɔŋ èwet eshɨɨ ègwet, àghɨa àgème àa ègwet və la a ghɔ̀Ꞌ ndzàne a èbem èwet.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Jûd 1:21

Bɨa me chɨ̀Ꞌɨ àfɨ̀Ꞌ yu Yesò Klistò Lefɨ̀Ꞌ wa nàa nɨ tèsȩ ti e ghɨ̌ bɨa bɔ mèmpème kàlìà la, bɨ me tseke ane èlɨ Mbɔ̧ɔ̧mà nàa me kɔ̀ŋkè àwɨ̧ la.