1 Kɔlìn 1:23 - Mundani

²³ È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 1:23 ပူးပေါင်းရင်းမြစ်များ

Matìù 11:6

Ntsɔ̧̀ wu wòt wu tàa ka màkè àghɨa è ngu yùà la.”

Matìù 13:57

Ale, bɔ ntû̧ èngǎ̧ tò. Yesò shu abua yɔb nê, “Bɔɔ nkùkta ndàꞋàtɔŋ adzìꞋ àgème, tè tsìꞋi wuê bòt àlaꞋ atò nè bòt àndǎ̧ tò.”

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 1:28

Mbɔ̧ɔ̧mà làà àghɨa bòt ngɔ̀ŋ àa ngwàa, bɔ̀ ka mê ngua ndzea mbɨ̀Ꞌɨ̀ àghɨ la, mbɨ̀Ꞌɨ̀ ghɨ̌ èghɨ bu bòt àa mɨ̀ɨ̀tà nê aa və la aa tsiꞋi èghɨ àku.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

1 Kɔlìn 2:2

E ndi nê è nka làꞋa ànəa ko tsa a, kà wu wuê ànəa Yesò Klistò ane ndɨ bɔ li ngù̧ù̧te atò a mbɨ̧̀ mbasa la.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 5:11

Bɔnyɨ bɔ̧, mâ ghɨ̀ ale mbèla ndàꞋà shua nê, bɔ̀ me naŋe bòt ko bɔɔ̀ kà tsi nkɨ àtsə am enɨ. Mâ ghɨ̀ ale mbèla ndaꞋa a èlɨ mbɔŋ, ko èngà̧ waa màa ndàꞋà ndɨ bɔ li ngù̧ù̧te a Yesò a mbɨ̧̀ mbasa la aà kà tsi sɔ̀ɔ̀bè èntɨ̧ɨ̧ wòt.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.