1 Kɔlìn 1:21 - Mundani

²¹ Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 1:21 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Lûm 11:33

Bɨ̀ ye ndɨ ènɨ̧ Mbɔ̧ɔ̧mà e ghe la! Tà taꞋa bɔ èyì, mè nko mènəè ègème! Wòt wu betsiꞋa tà ko ndɨ tàa ngɨ̀à mènəè mi la wu wàà? BetsiꞋa wàa ko balu̧ tò à?

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 1:24

Ka è me wu bòt Mbɔ̧ɔ̧mà tɔ la, Bèjuê nè bòt ka wu Bèjuê èngǎ̧ waa ba làꞋà la wu ànəa Yesò Klistò wu tà wù mètàŋ Mbɔ̧ɔ̧mà mè ngu èyǐ tò la.

1 Kɔlìn 1:25

Àghɨa bɔbȩ àa ndzea nê wu àghɨ̧ɨ̧na Mbɔ̧ɔ̧mà la a tsě èyǐ bɔbȩ, àyea bòt àa mè ndzea nê tàà njùa adù̧ la a mè ntsè mètàŋ bɔbȩ.

1 Kɔlìn 1:27

Ka Mbɔ̧ɔ̧mà tsiꞋi làà èghɨ bɔbȩ àa ndzea nê wu àghɨ̧̀ɨ̧̀nè la, mbɨ̀Ꞌɨ̀ ghɨ̌ bòt èyì aa bɔ àtsəa kɔꞋɔ, mè ndàà èghɨ bu bɔbȩ àa ndzea nê aa njùa la, mbɨ̀Ꞌɨ̀ ghɨ̌ bòt mètàŋ aa bɔ àtsəa kɔꞋɔ.

1 Kɔlìn 11:32

Ka Mbɔ̧ɔ̧mà nàa me saꞋa wa tà wua ngàꞋà àghɨ aya baa ye a kàbɔ̀ŋ wa, mbɨ̀Ꞌɨ̀ ka a ghɨ̀ me lìa Mbɔ̧ɔ̧mà ghɨ̀ a bɨɨ abà ya mbɨ̀Ꞌɨ̀ àa bɨɨ a yea bòt ngɔ̀ŋ la.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

1 Kɔlìn 6:2

Kò bɨ bakà ko laꞋ nê bòt Mbɔ̧ɔ̧mà aa li saꞋa bòt ngɔ̀ŋ yaa le è? Tè bɨ wu li saꞋa bòt ngɔ̀ŋ, ko bɨ bakà kuꞋu èbe bɨ̀a saꞋa mènəè tèchɨɨle la à?

Gàlashìà 1:15

Ka àfɨꞋa a li mbɔ a Mbɔ̧ɔ̧mà wu tà li ndàà am ka bɔɔ li ebi am la, tà nɨ̀ tèsȩ ti ntɔ am ane èkɔŋ vi,

Gàlashìà 4:8

È li ngu àfɨꞋa kà bɨ zìꞋ nko a Mbɔ̧ɔ̧mà, bɨ me wùꞋtè èghɨ ko tsa kà wu bèmbɔ̧ɔ̧mà.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

Jimsì 5:20

bɨ ko nê, wòt tɨŋe wòt ntsia tò a èbem mènəè kàbɔ̀ŋ, tà ko nê ye ghɨ̂ ŋut peme èvə. Àyea mbɔŋ a mè ngɨ̀ Mbɔ̧ɔ̧mà waꞋa mènəè kàbɔ̀ŋ wòt nyaŋ.