1 Kɔlìn 1:13 - Mundani

¹³ Bɔ bakà ghabta Yesò Klistò a èdziꞋ èdziꞋ. Wu Pɔ̂l ka tà li mpfə a mbɨ̧̀ mbasa ane ànəa yɨ̧ la à? Bɔ li ngua ndzìà àwɨ̧ a èdzî ane èlen Pɔ̂l?

1 Kɔlìn 1:13 ပူးပေါင်းရင်းမြစ်များ

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Matìù 3:6

Bɔ gha ale, mbɨ̧ɨ̧nè mènəè kàbɔ̀ŋ mɔb, tà zì àwɔb a èdzî Jodàn.

ÀfaꞋa 10:48

Ale, tà nê bɔ̀ zì àwɔb a èdzî ane èlen Yesò Klistò. Mbɨ̀Ꞌɨ̀ bɔ ghɨ̀ tè ndɔ̀Ꞌ la, bɔ shu abua tò nê tà tseke bɔ̂ tò ba ane èli ko ka ngà.

ÀfaꞋa 19:5

Mbɨ̀Ꞌɨ̀ bɔ zə èngà̧ waa la, bɔ zì àwɔb a èdzî ane èlen Yesò Lefɨ̀Ꞌ.

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 8:16

Bɔɔ ngɨ̀à ale ngu ndɨ wòt ndzìꞋ ntsě ane yɔb Fo Mbɔ̧ɔ̧mà chu adù̧ tò la. Bɔ le yaã ndzì àwɔb a èdzî wuê ane èlen Yesò Lefɨ̀Ꞌ.

Lûm 14:9

Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

1 Kɔlìn 1:15

Ale, betsiꞋa wòt kà laꞋnê bɔ li ngua ndzìà àwɨ̧ a èdzî ane èlen laã.

1 Kɔlìn 10:2

Bɔ li ndzì àwɔb a èdzî nè a èbem mbàꞋ bɔ tsiꞋi bòt bɔ̀ɔ nkuŋa Musì la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Efesɔ̀s 4:5

Lefɨ̀Ꞌ nàà wemɔ̀Ꞌ, alu̧ màndzia èntɨ̧ɨ̧ ane Yesò e wu wemɔꞋ, èlɨ màndzia a èdzî e wu wemɔꞋ.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.