Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔlìn 1:10 - Mundani

10 Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

အခန်းကိုကြည့်ပါ။ ကော်ပီ




1 Kɔlìn 1:10
44 ပူးပေါင်းရင်းမြစ်များ  

“Wòt nàà kà lɔ̀Ꞌ àlia nɨ̀ àdziꞋa ndǐ fi ntèmte ndǐ èlènè la, nkàà nê ye fi yu naa tseke tê sààlà ndzəè, èləꞋ mbɔŋ e mè mpàa fàŋ tê ntsè ndɨ e ghɨ̂ ngu la.


“Wòt nàà kà lɔꞋ àlia nɨ̀ àdziꞋa ndǐ fi ntèmte ndǐ èlènè la, nkàà nê ye fi yu naa tseke tê sààlà ndzəè, èləꞋ mbɔŋ e mè mpàa fàŋ tê ntsè ndɨ e ghɨ̂ ngu la.


Nê àlaꞋ a ghàbtè tè bòt e tsiꞋa nùà èbeko, ko àlaꞋ a mbɔŋ aa kwene.


Mbɨ̀Ꞌɨ̀ Yesò làꞋa mèngà̧ maa la, Bèjuê e mè ntsìꞋi a mètsəê tsa tsa,


Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.


Bòt bu e me kààne ànəa Yesò ale tè ntsìꞋi a mètsəê a mètsəê.


Bèfalèsiì ko è nê, “Wòt wu tà ghɨ̀ àghɨ yàa la ka dzəa abua Mbɔ̧ɔ̧mà, nkàà nê tàa mpààtà mbɨ̧te àliapfəèa ya.” Ka èbeko e nê, “BetsiꞋa wòt tà wu wòt kàbɔ̀ŋ la ghɨ̀ èwuu ènəê kà ye fɨ̀Ꞌ bàa?” Bɔ làꞋ ale ntsìꞋi a mètsəê a mètsəê.


Bòt bu bɔ zì mèntɨ̧ɨ̧ mɔb ane Yesò la e li ngua fɔ̀ta ngɨ̀à àghɨ àgème nè èntɨ̧ɨ̧ wɔb wemɔꞋ. Wòt kǒ ane yɔb li tà kà shuê nê àghɨa ye bɔ la a wu abua zi zìa ndziꞋne. Waa waa li ngua ngàbtà àghɨa ye bɔ la, ŋǎ àyea wanyɨ vi.


Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.


Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.


Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.


Bɔnyɨ bɔ̧, maà shù̧ù̧ta wɨ̧ ndɨ̀ wu bàa tsiꞋi àghɨ yeamɔꞋ ane Yesò Klistò Lefɨ̀Ꞌ wa la, mè nè ndɨ̀ wu Fo Mbɔ̧ɔ̧mà è ghɨ̂ baa me kɔ̀ŋkè àwa la nê bɨ̀ fɔte nê nà̧ me lâ ntsàꞋta Mbɔ̧ɔ̧mà ane yaã.


Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.


Bòt lob Kloe e shu am nê àyɔ̀ŋ aa kètsìà wɨ̧.


Ànəa mbì wu nê, mâ zə nê bɨ̀a ngɨ̀ bɨ̀ bù̧ù̧tè mbɨꞋɨ̀ bòt chɔsì, àghàbtè a wu a kètsìà wɨ̧, e mbɔ̂ nko nê, àdziꞋ nkûŋ aa ane ànəa mbɔŋ.


mbɨ̀Ꞌɨ̀ àyɔ̀ŋ aa baka wu ane mbɨ̧̀ ènyit, èdziꞋi ènyit aa me kɔ̀ŋkè èbeko.


nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.


Ale, e ngua shù̧ù̧ta wɨ̧ nê bɨ̀ me kùŋè tèka taã.


Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.


Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.


Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.


Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!


Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.


Bɔnyɨ bɔ̧, mâ shu̧u̧te awɨ̧ nê bɨ̀ lem ngu mbɨ̀Ꞌɨ̀ mmɔ̌, nkàà nê mâ tsiꞋa yaã mbɨ̀Ꞌɨ̀ bɨ̀a mɨ̧̂. Bɨ bakà fâ̧ ànəa ko abua am.


Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.


A màà ngu wuê nà leꞋ, ko bɨ̀ tsiꞋ bà ghȩ̀ȩ̀nè wuê ane alu̧ wu baa wua ndzìà ngȩ̀ȩ̀nà te kɨꞋɨ ewu àfɨ̀Ꞌ yaa la.


Bɨ̀ la me kukte awɔb mè nkɔ̀ŋkà àwɔb ntsɔ̧̀ ane àfàꞋ yu bɔ̀ɔ fàꞋà la. Bɨ̀a mbɔŋ è me tseke ane àlàŋkè bɨ bɔnyɨ bɨ̧.


È me wu ane ànəa Yesò Klistò Lefɨ̀Ꞌ wa, ndɨ tàa mèe gheble avi ekɨꞋɨ la, nè ndɨ bàa li ebù̧ù̧te ewu ne tò la, ko e ngua shù̧ù̧ta wɨ̧ à bɔnyɨ nê,


Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.


TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.


Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.


Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ