Yobo 9:14 - Mokanda na Bomoi

¹⁴ Bongo, ngai, nakokoka ndenge nini kobeta tembe na Ye ? Nakolonga ndenge nini kopona maloba ya komekana na Ye ?

Yobo 9:14 ပူးပေါင်းရင်းမြစ်များ

1 Bakonzi 8:27

Kasi, boni, Nzambe akoki solo kovanda na mokili ? Soki kutu Likolo mpe Likolo oyo eleki likolo ekoki kokoka Yo te, bongo ekozala boni mpo na Tempelo oyo natongi !

Yobo 23:4

nalingaki kotalisa, na bosembo nyonso, likambo na ngai liboso na Ye, mpe kotondisa monoko na ngai na matatoli ya solo,

Yobo 23:7

Kuna, liboso na Ye, moto ya sembo akososolisa Ye likambo na ngai, mpe nakokangolama libela wuta na maboko ya mosambisi na ngai.

Yobo 25:6

toloba nini mpo na moto oyo azali se mutsopi, mpo na mwana na moto oyo azali kaka nyama moke ya pamba ! »

Yobo 33:5

Boye soki okoki, yanola ngai, mibongisa mpo na komekana na ngai.

Yobo 37:19

Yebisa biso makambo oyo tosengeli koloba na Ye ; tokoki koloba likambo moko te mpo na molili na biso.

Yobo 4:19

mpo na nini te epai ya bato oyo basalema na mabele, ba-oyo bazali kaka putulu mpe bakoki kofinafina bango lokola mitsopi ?

Yobo 9:3

Ata, na mbala nkoto moko, ameki kobeta tembe na Nzambe, akotikala kokoka kolonga ata mbala moko te.

Yobo 9:32

Azali moto lokola ngai te mpo ete nazongisela Ye eyano to nakende kosamba na Ye liboso ya basambisi.