Yobo 7:17 - Mokanda na Bomoi

¹⁷ Moto azali penza nani mpo ete okanisaka ye, mpo ete olandelaka ye na bokebi,

Yobo 7:17 ပူးပေါင်းရင်းမြစ်များ

Yobo 14:3

Olingi kaka kolandela ekelamu ya boye ? Olingi kaka komema ye liboso na Yo mpo na kosambisa ye ?

Yobo 22:2

« Boni, litomba nini Nzambe akoki kozwa epai ya moto ? Ezala ata moto ya bwanya, azalaka na litomba kaka mpo na ye moko.

Yobo 25:6

toloba nini mpo na moto oyo azali se mutsopi, mpo na mwana na moto oyo azali kaka nyama moke ya pamba ! »

Yobo 7:12

Boni, nakomi ebale to elima ya mayi mpo ete batiela ngai bikangiseli ?

Banzembo 144:3

Oh Yawe, moto nde nani mpo ete obatelaka ye ? Moto nde nani mpo ete okanisaka ye ?

Banzembo 8:4

Tango natalaka Lola na Yo, mosala ya misapi na Yo, sanza mpe minzoto oyo otia,

Banzembo 8:5

namitunaka : Moto azali nini mpo ete okanisa ye, mpe moto azali nani mpo ete obatela ye ?

Ba-Ebre 2:6

Nzokande, ezali na moko oyo atatolaki boye kati na Makomi : « Moto azali nini mpo ete okanisa ye ? Mwana na moto azali nani mpo ete obatela ye ?

1 Samuele 24:14

Ndenge kaka lisese ya kala elobi : « Misala mabe ewutaka epai ya bato mabe, » loboko na ngai ekosimba yo te.