Yobo 5:26 - Mokanda na Bomoi

²⁶ Okokita na kunda na kimobange makasi, ndenge batelemisaka maboke ya matiti na tango na yango.

Yobo 5:26 ပူးပေါင်းရင်းမြစ်များ

Ebandeli 15:15

Bongo yo, okokufa na kimia mpe okokundama sima na kimobange ya esengo.

Ebandeli 25:8

Bongo Abrayami akataki motema mpe akufaki. Sima na ye kotonda mikolo mpe kokoma mobange makasi, akendeki kokutana na bakoko na ye.

Yobo 5:27

Toyekolaki likambo yango malamu : ezali penza bongo. Boye, yoka yango mpe salela yango mpo na bolamu na yo ! »

Banzembo 91:16

Nakopesa ye bomoi molayi mpe nakolakisa ye lobiko na ngai.

Kobima 23:26

Na mboka na bino, ekozala na mwasi moko te oyo akosopa zemi to akozanga kobota. Nakobakisela bino mikolo ebele na bomoi na bino.

Masese 10:27

Kotosa Yawe eyeisaka bomoi molayi, kasi bomoi ya bato mabe ekokoma mokuse.

Masese 9:11

Pamba te, na nzela na ngai, mikolo ya bomoi na yo ekokoma ebele, mpe mibu ya bomoi na yo ekobakisama.

Ezayi 65:20

Kuna, ekozala lisusu na mwana moke te oyo akokufa na bomwana na ye to ekozala lisusu na mobange te oyo akotonda te na mikolo ya bomoi na ye ; pamba te moto oyo akokufa elenge akozala na mibu nkama moko ya mbotama, mpe oyo akokokisa mibu wana te, akomonana lokola moto alakelami mabe.

Deteronomi 34:7

Moyize azalaki na mibu nkama moko na tuku mibale ya mbotama tango akufaki. Miso na ye elembaki te mpe makasi na ye esilaki te.