Yobo 5:21 - Mokanda na Bomoi

²¹ Okobatelama liboso ya fimbu ya lolemo, okobanga kobebisama te tango ekoya ;

Yobo 5:21 ပူးပေါင်းရင်းမြစ်များ

Yobo 5:15

Nzambe abikisaka mobola na mopanga ya monoko na bango, akangolaka moto akelela na loboko ya moto ya makasi.

Banzembo 31:20

Boboto na Yo ezali penza monene, boboto oyo obombaka mpo na bato oyo batosaka Yo, boboto oyo otalisaka epai ya bato oyo bazwaka Yo lokola ebombamelo na bango, na miso ya bato nyonso.

Banzembo 31:21

Obombaka bango epai na Yo, mosika ya mabongisi mabe ya bato ; obatelaka bango kati na Yo, mosika ya bato oyo babundisaka bango.

Banzembo 55:21

Abundisi balingami na ye, abebisi boyokani na ye.

Banzembo 57:4

Akotinda wuta na likolo mpe akobikisa ngai, akopamela bato oyo batungisaka ngai. Nzambe akomonisa bolingo mpe boyengebene na Ye.

Masese 12:18

Maloba ya bato oyo balobaka mingi ezokisaka lokola mopanga, kasi lolemo ya bato ya bwanya ezali lokola mafuta oyo ebikisaka.

Masese 3:25

Somo ya pwasa ekobangisa yo te, ezala tango bato mabe bakobimela yo na pwasa ;

Ezayi 54:17

Nzokande, ebundeli moko te oyo esalemi mpo na kosala yo mabe ekolonga ; mpe monoko nyonso oyo ekotelemela yo na kosambisa, okokatela yango etumbu. Yango nde ekozala libula ya basali ya Yawe, mpe elonga na bango kowuta epai na Ngai, elobi Yawe.

Jeremi 18:18

Bazalaki koloba : « Boya ! Tika ete tosalela Jeremi likita mpo na kosala ye mabe, pamba te ezala ndenge nini, Banganga-Nzambe bakosila te mpo na koteya Mobeko, bato ya bwanya bakosila te mpo na kopesa toli, mpe basakoli bakosila te mpo na kosakola Liloba na Yawe. Boya ! Tika ete toboma ye na nzela ya lolemo, mpe tolanda te makambo oyo azali koloba ! »