Yobo 5:20 - Mokanda na Bomoi

²⁰ Akokangola yo na kufa, na tango ya nzala makasi ; mpe akobikisa yo na nguya ya mopanga, kati na bitumba.

Yobo 5:20 ပူးပေါင်းရင်းမြစ်များ

Ebandeli 45:7

Kasi Nzambe atindaki ngai liboso na bino mpo ete bowumela na mokili mpe bobikisa bomoi na bino na nzela ya kokangolama monene.

1 Bakonzi 17:6

Bayanganga ezalaki komemela ye mapa mpe mbisi na tongo mpe na pokwa, mpe amelaki mayi ya lubwaku.

Banzembo 118:18

Solo, Yawe apesaki ngai etumbu makasi ; kasi akabaki ngai na kufa te.

Banzembo 144:10

Ezali Yo, Nzambe, nde opesaka bakonzi elonga, obikisaka Davidi, mosali na Yo, liboso ya mopanga oyo ebomaka.

Banzembo 27:3

Ata limpinga ezingeli ngai, motema na ngai ekobanga soki moke te ; ata etumba etelemi mpo na koboma ngai, atako bongo, nakozala kaka na elikya makasi.

Banzembo 33:19

mpo na kokangola bango na kufa mpe kobatela bango na bomoi ata na tango ya nzala makasi.

Banzembo 37:19

Na tango ya pasi, bakokawuka te ; na mikolo ya nzala, bakozala na bilei ebele.

Banzembo 49:7

ba-oyo batielaka bomengo na bango motema mpe bamikumisaka mpo na bofuluki ya bozwi na bango ?

Masese 10:3

Yawe atikaka te ete moto ya sembo akufa nzala, kasi apimelaka bato mabe biloko oyo bazali na yango posa.

Ezayi 33:16

Moto wana akovanda na likolo : mabanga ya makasi ekozala ekimelo na ye. Akozanga te lipa ya kolia mpe mayi ya komela.

Jeremi 37:21

Mokonzi Sedesiasi apesaki mitindo ete batia Jeremi kati na lopango ya bakengeli mpe bapesaka ye, mokolo na mokolo, lipa moko oyo ekobanda kowuta na balabala ya bato oyo basalaka mapa, kino tango mapa ekosila kati na engumba. Boye, Jeremi avandaki kati na lopango ya bakengeli.

Jeremi 39:18

Solo, nakobikisa yo, mpe okokufa na mopanga te ; kasi bomoi na yo ekozala bomengo na yo ya bitumba, pamba te otielaka Ngai elikya, elobi Yawe. › »

Oze 13:14

Nakokangola bango na bokonzi ya mboka ya bakufi, nakosikola bango na kufa. Oh kufa, wapi nguya na yo ? Oh mboka ya bakufi, wapi nguya na yo ya kobebisa ? Nakoyokela bango mawa te !

Abakuki 3:17

Nzokande, nzete ya figi ebimisi fololo te, nzete ya vino eboti mbuma te, nzete ya olive eboti mbuma te, bilanga ebimisi bilei te, bameme mpe bantaba ezali te kati na lopango, mpe bangombe ezali te kati na lopango.

Matayo 24:6

Bokoyoka basango ya bitumba mpe nungunungu na tina na bitumba, kasi bomitungisa te mpo na yango ; pamba te makambo wana esengeli kosalema, kasi ekozala nanu suka ya mokili te.