Yobo 41:14 - Mokanda na Bomoi

¹⁴ Makasi na yango evandi na kingo na yango, mpe somo ebimaka liboso na yango.

Yobo 41:14 ပူးပေါင်းရင်းမြစ်များ

Yobo 38:10

tango natielaki yango bandelo, tango natielaki yango bikuke ya makasi,

Yobo 41:13

Pema na yango epelisaka makala ya moto, lolemo ya moto ebimaka na monoko na yango.

Yobo 41:15

Masusa ya poso ya nzoto na yango ekangama elongo, elendisama makasi mpe eninganaka te.

Banzembo 57:4

Akotinda wuta na likolo mpe akobikisa ngai, akopamela bato oyo batungisaka ngai. Nzambe akomonisa bolingo mpe boyengebene na Ye.

Banzembo 58:6

oyo eyokaka te ata mingongo ya bato na soloka mpe ya moto ya maji oyo aleki na mayele.

Masese 30:14

Ezali na bato oyo minu na bango ezali lokola mipanga, lokola mbeli mpo na koboma babola kati na mokili mpe bato bakelela kati na bato.

Mosakoli 12:4

tango bikangelo ya ekuke ekokangama na balabala, mpe makelele ya basi oyo banikaka ble ekosila ; tango bato balamukaka na banzembo ya bandeke mpe bayembi ya basi batikaka koyemba ;

Daniele 7:7

Sima na yango, kati na emoniseli na ngai ya butu, namonaki nyama ya minei : ezalaki somo, ezalaki kobangisa mpe ezalaki na nguya makasi penza. Ezalaki na minu minene ya bibende ; ezalaki kolia, kopanzapanza mpe konyata misuni oyo ezalaki kotikala ; ekesenaki makasi na banyama nyonso ya liboso mpe ezalaki na maseke zomi.